2015-06-15 13:57:43, 393 ნახვა
საზოგადოება
ფინანსთა სამინისტროს სისტემის სამსახურებრივი ავტომანქანები მინისტრის ბრძანებით დროებით გაჩერებულია
13-14 ივნისს, თბილისში მომხდარი სტიქიის შედეგად დედაქალაქში გართულებული საგზაო მოძრაობიდან გამომდინარე, ფინანსთა სამინისტროს სისტემის სამსახურებრივი ავტომანქანები, გარდა ოპერატიული და განსაკუთრებული შემთხვევებისთვის გამოყოფილი მორიგე მანქანებისა, მინისტრის 2015 წლის 15 ივნისის ბრძანების საფუძველზე, დროებით გაჩერებულია.
ამასთან, ფინანსთა სამინისტროს ინფორმაციით, ფინანსთა მინისტრმა ნოდარ ხადურმა თხოვნით მიმართა სისტემის ყველა თანამშრომელს, თავი შეიკავონ საკუთარი ავტომობილებითაც დედაქალაქში გადაადგილებისგან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
