2018-11-18 18:40:03, 771 ნახვა
რეგიონი
დუშეთთან სადაც მრავალკილომეტრიანი კოლონაა გაჩერებული ნაგვის ურნები და ბიო-ტუალეტები დამონტაჟდა
დუშეთის მუნიციპალიტეტში, კობი-გუდაურის მონაკვეთზე შექმნილი ზვავსაშიშროების გამო, მოძრაობა შეფერხებულია. მცხეთა-მთიანეთის გუბერნატორმა შალვა კერესელიძემ, დუშეთის ადგილობრივი თვითმმართველობის წარმომადგენლებთან ერთად, გაჩერებული ავტომანქანების მგზავრები მოინახულა და მათ საკვები პროდუქტები ჩაუტანა.
გუბერნატორის ადმინისტრაციისა და დუშეთის ადგილობრივი ხელისუფლების ერთობლივი მუშაობით, ჟინვალისა და მლეთის გზის იმ მონაკვეთზე, სადაც ავტოკოლონაა გაჩერებული, ნაგვის ურნები და ბიო-ტუალეტები დამონტაჟდა. მოხდა მიმდებარე ტერიტორიის დასუფთავება.
შესაბამისი მეტეოროლოგიური პირობების დადგომისთანავე საავტომობილო გზების დეპარტამენტი ჯვრის უღელტეხილზე გაწმენდით სამუშაოებს დაიწყებს.
![]()
ავტორი: ,
epn.ge (@expressnews.ge)
