ეკონომიკისა და მდგრადი განვითარების მინისტრმა გიორგი კვირიკაშვილმა მთავრობის ახალ დადგენილებასთან დაკავშირებიოთ, რომლის თანახმად  მსოფლიოს 94 სახელმწიფოს მოქალაქეს საქართველოში  უვიზოდ ყოფნის  ვადა ერთ წლამდე გაეზარდა განმარტებები გააკეთა.

მისივე თქმით, საქმე ეხება იმ ქვეყნებს, რომლებთანაც  საქართველოს უკვე აქვს უვიზო მიმოსვლა და 180 დღის განმავლობაში 90 დღიანი  ლიმიტი ერთ წლამდე გაიზარდა. 

კვირიკაშვილის განმარტებით, მთავრობამ ასევე დაამტკიცა იმ ქვეყნების ჩამონათვალი, რომელთა ვიზების ან ბინადრობის ნებართვის  მქონე უცხოელებს საქართველოში უვიზოდ შემოსვლა და 90 დღის ვადით ნებისმიერ 180 დღის პერიოდში ყოფნა შეუძლიათ. 

„აღნიშნული ქვეყნების ნუსხაში შევიდა მაღალი სანდოობის, მიგრაციისა და უსაფრთხოების პოლიტიკის მაღალი ხარისხით გამორჩეული ქვეყნები. კერძოდ ევროკავშირისა და შენგენის ზონაში შემავალი ქვეყნები. ე.წ. სპარსეთის უბის ქვეყნები, ასევე ავსტრალია, აშშ, ახალი ზელანდია, დიდი ბრიტანეთი, იაპონია, ისრაელი, კანადა და კორეა“,-განაცხადა კვირიკაშვილმა. 

 ეკონომიკის მინისტრის განცხადებით,  ამ ქვეყნების მიგრაციული პოლიტიკისა და სტანდარტების შესასწავლად იუსტიციის მინისტრის ხელმძღვანელობით არაბეთის  გაერთიანებულ საემირობეში დელეგაცია იმყოფებოდა. 

მისივე განმარტებით, ამ რეგულაციის თანახმად, მაგალითად ჩინეთის ან ირანის მოქალაქეს, რომელსაც აქვს შენგენის ვიზა საქართველოში შემოსასვლელად დამატებითი ვიზის აღება აღარ მოუწევს. 

„ზემო აღნიშნული რეგულაციის თანახმად ნებისმიერი ქვეყნის მოქალაქეებს, რომელბსაც საქართველოში შემოსვლის დღისთვის მოქმედი ვიზა ან ბინადრობის ნებართვა ამ დადგენილიებით დამტკიცებულ ერთ-ერთ ქვეყანაში მაინც აქვთ საშუალება მიეცამათ გამარტივებული გზით უვიზოდ შემოვიდნენ საქართველოში“,-აღნიშნა კვირიკაშვილმა. 

მინისტრის განცხადებით,  წინა ცვლილებების დროს იყო გარკვეული ხარვეზი, როგორც ადმინისტრირების,  ასევე ლიბერალიზაციის დონის კუთხით.
 
რაც შეეხება სხვადასხვა ქვეყნის ინვესტორებს და ბიზნესმენებს  კვვირაშვილის განმარტებით, როგორც წესი მათ ამ ქვეყნის  ვიზები ან ბინადრობის უფლება აქვთ.

ამასთან, კვირიკაშვილის   განმარტებით, წარმოდგენილი რეფორმის ერთ-ერთი მნიშვნელოვანი მიმართულებაა ვიზების ელექტრონული ვებგვერდი, რომლებიც უცხოელებს საშულებას აძლევს სახლიდან გაუსვლელად  აიღონ ვიზა. 

„ვიზის მიღებასთან დაკავშირებული შესაბამისი ინსტრუქცია დაახლოებით 10 ენაზე ითარგმნება  და საერთაშორისო ენების არ მცოდნე მოქალაქეები იოლად ისარგებლებენ ამ სერვისით.  ვიზის  აღების პროცესის ერთ-ერთი მნიშვნელოვანი კომპონენტია ვიზის მისაღებად აუცილებელი დოკუმენტების ჩამონათვალის გამარტივებაც, რომელიც ასევე უახლოეს დღეებში იქნება დამტკიცებული საქართველოს მთავრობის მიერ. ასევე მნიშვენლოვანია, რომ იგეგმება უცხოელთა სამოგზაურო დაზღვევის წესის გამარტივება.  უცხოელ მოქალაქეებს  საქართველოში არსებული სადაზღვევო კომპანიებისგან დაზღვევის მიღება საზღვარზევე შეეძლებათ. ვფიქრობთ, რომ აღნიშნული ცვლილებები მკვეთრად გაზრდის საქართველოში ვიზიტორების შემოსვლის მსურველთა რიცხვს, რაც ერთმნიშვნელოვანდა შეუწყობს ხელს ტურისტული ნაკადის ზრდას და ქვეყნის ეკონომიკის შემდგომ განვითრებას“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს