საქართველოს იუსტიციის სამინისტროს ეროვნულ არქივს დღეს სტოკჰოლმის ბიზნესის ისტორიის ცენტრის დელეგაცია ესტუმრა.

ცნობილი შვედი მწერალი და მთარგმნელი, ისტორიკოსი ბენგტ იანგფელდტი, ნობელის ოჯახის შთამომავალი, პროფესორი ტომას ტიდენი და სტოკჰოლმის ბიზნესის ისტორიის ცენტრის არქივისტი ვადიმ აზბელი ეროვნული არქივის გენერალურმა დირექტორმა თეონა იაშვილმა მიიღო.

შვედეთის ბიზნესის ისტორიის ცენტრი, ნობელის ოჯახთან ერთად, ამჟამად მუშაობს პროექტზე, რომელიც მიზნად ისახავს მე-19 და მე-20 საუკუნეებში რუსეთის იმპერიაში და, მათ შორის, კავკასიაში ნობელების ოჯახის საქმიანობის შესახებ წიგნის გამოცემას. სხვა საარქივო მასალასთან ერთად, წიგნის ავტორებს სურთ გამოცემაში გამოაქვეყნონ საქართველოს ეროვნულ არქივში ამ თემაზე დაცული დოკუმენტები.

თეონა იაშვილმა სტუმრებს დაათვალიერებინა ნობელების მოღვაწეობის შესახებ ეროვნულ არქივში დაცული მასალა და გამოქვა მზადყოფნა, რომ დოკუმენტების ელექტრონული ასლები გადასცეს წიგნზე მომუშავე ჯგუფს.

სტოკჰოლმის ბიზნესის ისტორიის ცენტრთან საქართველოს ეროვნული არქივი რამდენიმე წელია თანამშრომლობს.

(NS)

ავტორი: ,

სოციალური ქსელები

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება

სააკაშვილი: ვახო სანაიას დაპატიმრება საზოგადოების დაშინებისა და მედიის წინააღმდეგ დიდი გეგმის ნაწილია

საია: ოქრიაშვილზე თავდასხმა სახელმწიფოს მიერ შექმნილი ძალადობრივი გარემოს შედეგია