|
2018-09-10 15:27:16, 608 ნახვა
რეგიონი
თორნიკე რიჟვაძემ ბულვარის დირექტორის თანამდებობაზე ირაკლი ჯინჭარაძე წარადგინა
აჭარის ავტონომიური რესპუბლიკის მთავრობის თავმჯდომარემ თორნიკე რიჟვაძემ ბათუმის ბულვარის დირექტორის თანამდებობაზე ირაკლი ჯინჭარაძე წარადგინა. "დღეს წარვადგინეთ ბულვარის ადმინისტრაციის ახალი ხელმძღვანელი, რომელიც ამ დრომდე მოადგილედ მუშაობდა ამავე უწყებაში. ბატონი ირაკლი არის გამოცდილი, კეთილსინდისიერი და პროფესიონალი კადრი. ჩვენ ვფიქრობთ, რომ ის წარმატებით განახორციელებს იმ ამოცანებს, რომლებიც ბულვარის წინაშე დგას. ბულვარი არის ჩვენი ქალაქის სავიზიტო ბარათი. მნიშვნელოვანია, რომ ჯეროვანი ყურადღება დაეთმოს მის განვითარებას. ჩვენი მიდგომა, პოლიტიკა იქნება სამართლიანი, როგორც კერძო სექტორის, ისე ქალაქთან და ბულვართან მიმართებაში. ყველა ის პროექტი, ახალი ინიციატივა დაეფუძნება ამ პრინციპს და ამ პრინციპის დაცვის გათვალისწინებით საზოგადოების ინტერესებს", - განაცხადა თორნიკე რიჟვაძემ. ბათუმის ბულვარის ახალი მმართველისთვის პრიორიტეტებია ძველი ბულვარის კულტურულ-ისტორიული იერსახის შენარჩუნება/კონსერვაცია, ახალი ბულვარის განვითარება და მისთვის ახალი სიცოცხლის შეძენა. ასევე, საერთაშორისო გამოცდილების გაზიარება უცხოურ პარკებთან ურთიერთთანამშრომლობის გზით. ირაკლი ჯინჭარაძე 2017 წლიდან დღემდე ბათუმის ბულვარის დირექტორის მოადგილის თანამდებობას იკავებდა. აქვს საჯარო სამსახურებსა და კერძო კომპანიებში მუშაობის 14 წლიანი გამოცდილება. ბოლო წლებში მუშაობდა სახელმწიფო შესყიდვების მიმართულებით. ფლობს რუსულ, ინგლისურ და თურქულ ენებს.
(NS)
მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა
ბრიტანეთის პრემიერ-მინისტრი თანამდებობიდან გადადგა
პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა
გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს
რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა
ვიდეო/LIVE პატრიარქის ილია მეორის დაკრძალვა - პირდაპირი
ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება
დღის თემა
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|





epn.ge (@expressnews.ge)