ბათუმის, როგორც თვითმმართველი ქალაქის 130 წლის იუბილესთან დაკავშირებით ოფიციალური სტუმრების მიღება სასტუმრო "ჰილტონში" გაიმართა.

ღონისძიებას აჭარის მთავრობის თავმჯდომარე თორნიკე რიჟვაძე ქალაქ ბათუმის მერთან ლაშა კომახიძესთან, აჭარის უმაღლესი საბჭოს თავმჯდომარესთან დავით გაბაიძესთან და სხვა ოფიციალურ პირებთან ერთად დაესწრო.

საზეიმო მიღებას მოწვეული სტუმრების რანგში ბათუმს დამეგობრებული ქალაქების მერები და საზოგადოების წარმომადგენლები ესწრებოდნენ. შეკრებილ სტუმრებს ბათუმობის 130 წლის იუბილე აჭარის მთავრობის თავმჯდომარემ თორნიკე რიჟვაძემ მიულოცა.

მიღებაზე ბათუმის საპატიო მოქალაქეები დააჯილდოვეს. დღესვე, ქალაქების მერებმა ბათუმსა და უმენს შორის დამეგობრების შესახებ შეთანხმებას მოაწერეს ხელი.

,,ბათუმობა 2018"-ის ფარგლებში დაგეგმილ ღონისძიებებს აჭარის მთავრობის თავმჯდომარე თორნიკე რიჟვაძე აჭარის უმაღლესი საბჭოს თავმჯდომარესთან დავით გაბაიძესთან და საკანონმდებლო და აღმასრულებელი ხელისუფლების წარმომადგენლებთან ერთად დაესწრო. რეგიონის პირველი პირი ძველ ბათუმში მიმდინარე სხვადასხვა ღონისძიებას გაეცნო და მოქალაქეებს „ბათუმობა" მიულოცა.

თვითმმართველი ქალაქის სტატუსის მინიჭებიდან 130 წლისთავს სხვადასხვა გასართობი და კულტურული ღონისძიებებით აღნიშნავენ. დღესასწაულთან დაკავშირებით ბათუმის ძველ უბნებში მე-19 საუკუნის ბათუმი გაცოცხლდება. წარმოდგენილი იქნება კოსტიუმირებული სანახაობები, ასევე ხელნაკეთი ნივთების გამოფენა. მოეწყობა თემატური კუთხეები, გაცოცხლდება ისტორიული ფოტოები და საუკუნის წინ მომხდარი სცენები გათამაშდება.

მთელი დღის განმავლობაში მოეწყობა გასართობი შოუები, საბავშვო კუთხეები, გაიმართება საცირკო წარმოდგენები.

ზეიმი პიაცაზე გალა კონცერტით დასრულდება.

(NS)

ავტორი: ,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე