ფუნიკულიორის ფერდობზე, შესაძლოა, წარწერა „თბილისი“ განთავსდეს

2018-08-30 12:32:46, 926 ნახვა

საზოგადოება

ფუნიკულიორის ფერდობზე, შესაძლოა, წარწერა - "თბილისი" განთავსდეს, - ამის შესახებ დედაქალაქის მერმა კახა კალაძემ განაცხადა.

კალაძის განმარტებით, აღნიშნული იდეა მოქალაქეს ეკუთვნის.

"ასევე გვაქვს კიდევ ერთი საინტერესო იდეა, ჩვენი თანამოქალაქე გვთავაზობს, ფუნიკულიორის ფერდობზე განთავსდეს წარწერა "თბილისი" ქართულ-ინგლისური ასოებით. ვფიქრობ, ჩვენი ქალაქის ყველაზე მიმზიდველ ფონზე წარწერა "თბილისი" იქნება თვალშისაცემი და მიიქცევს ტურისტების ყურადღებას. თუმცა, ამ საკითხს ჩვენ განსახილველად გავიტანთ მერიასთან არსებულ ისტორიულ-კულტურულ მემკვიდრეობის საბჭოზე. მთაწმინდის მთა ისტორიულ-კულტურულ ზონაში მდებარეობს და გვინდა, ვიკითხოთ - რამდენად შეიძლება პროექტის განხორციელება. ამის შემდეგ მივიღებთ გადაწყვეტილებას", - განაცხადა კახა კალაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები