პროგრამული უზრუნველყოფის კონკურსი, რომელიც თიბისის ინიციატივით წელს პირველად ტარდება, დასკვნით ეტაპს უახლოვდება.

უკვე ცნობილია პროექტის ფინალისტების ვინაობა. ისინი კონკურსის ჟიურის წევრებმა მას შემდეგ გამოავლინეს, რაც გუნდებმა საკუთარი აპლიკაციის სადემონსტრაციო მასალა, ტექნიკური გადაწყვეტა, განხორციელებისა და კომერციალიზაციის გეგმა წარადგინეს.

დაჯავშნის სისტემის, დოკუმენტების შაბლონებისა და ინვოისების მართვა, შესყიდვების პროცესის ავტომატიზება, ბაზრის კვლევისა და მარკეტინგული კომუნიკაციების დაგეგმვა  - ეს იმ პროგრამული გადაწყვეტების ნაწილია, რა მიმართულებებითაც გუნდებმა აპლიკაციები შექმნეს. ფინალურ ეტაპზე გადასული გუნდები პროტოტიპზე მუშაობას თვენახევრის განმავლობაში გააგრძელებენ, კონკურსის გამარჯვებულები კი ოქტომბერში გამოვლინდებიან.

„ კონკურსის მიმართ ინტერესმა ჩვენს მოლოდინს გადააჭარბა.  80-მდე განაცხადი შემოვიდა,  თითქმის ყველა აპლიკაციაში ჩანდა, რომ მონაწილეებმა კარგად გაიგეს კონკურსის არსი. იდეების უმრავლესობა სხვადასხვა ბიზნესპროცესის გამარტივებას ემსახურება და ხშირად ისეთსაც, რაზეც აქამდე არც კი გვიფიქრია. კონკურენცია საკმაოდ მაღალი იყო, ჟიურის წევრები 2 დღის განმავლობაში უსმენდნენ მონაწილეებს, რის შემდეგაც ფინალისტები გამოვლინდნენ", - თაკო ჯაფარიძე, პროექტის მენეჯერი.

პროგრამული უზრუნველყოფის კონკურსი თიბისი ბანკის ინიციატივით ივნისში დაიწყო მის მიზანს  ბიზნესებისთვის ადამიანური რესურსების დაზოგვა და პროცესების ავტომატიზების ხელშეწყობა წარმოადგენს. ფინანსები და ბუღალტერია, ადამიანური რესურსების მართვა, კლიენტებთან ურთიერთობა, გაყიდვების კონტროლი - ეს იმ მიმართულებების ნაწილია, რომელსაც კონკურსი ფარავს.

პროექტი სამ ეტაპად მიმდინარეობს. გამარჯვებულები ოქტომბერში გამოვლინდებიან და მათ  ფულადი პრემიები გადაეცემათ:  I ადგილი - 30 000 ლარი, II და III ადგილი - 15 000 ლარი.

კონკურსის შესახებ დეტალური ინფორმაციის  მიღება შესაძლებელია ბმულზე: https://www.businesstool.ge/Contest/

(R)

ავტორი: ,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს