საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატმა დავით სერგეენკომ პარლამენტში, გაერთიანებული კომიტეტების სხდომაზე სოციალური დახმარების სისტემის ცვლილებაზე ისაუბრა. 

მისი თქმით,  წლის განმავლობაში  ათეულობით ცვლილებები შედის სოციალური დახმარების სისტემაში მიმდინარე გამოწვევების საპასუხოდ.

მან აღნიშნა, რომ არსებული სოციალური დახმარების სისტემა ერთგვარი დემოტივატორია ახალგაზრდა, ჯანმრთელი  ადამიანისთვის. ნაცვლად იმისა, რომ ადამიანმა შემოსავლით და ხელფასით უზრუნველყოს ოჯახი, ის სოციალურ დახმარებაზეა დამოკიდებული. სწორედ ამიტომ სოციალური დახმარების სისტემა უნდა იყოს განლევადი ან დასრულებადი, რაც იმას ნიშნავს, რომ ჯანმრთელ, ახალგაზრდა ადამიანს ეძლევა სოციალურ დახმარება გარკვეული დროის განმავლობაში სამსახურის შოვნის მიზნით. 

„ჩვენ ვფიქრობთ, რომ სოციალური დახმარების სისტემა უნდა იყოს განლევადი ან დასრულებადი, ოღონდ სამუშაო ადგილების აქტიური შეთავაზებით. პირველი მარცვალი შარშანწინ ჩაიდო ამაში, როდესაც  ახალგაზრდა ასაკში სოციალური დახმარების მაძიებლებს აქვთ ვალდებულება დარეგისტრირდნენ ვორქნეტში  (worknet.gov.ge - სამუშაოს მაძიებელთა მონაცემთა ბაზაში) და თუ არ დარეგისტრირდებიან, მათ სოციალური დახმარება ეხსნებათ. გიდასტურებთ, რომ პირველი ნაბიჯები  განლევადი ან დასრულებადი სოციალური დახამრების სისტემისკენ გადადგმულია, თუმცა ამას სჭირდება ძალიან სკურპულოზური გათვლა იმისათვის რომ, პირველი, გასაგები და გამჭირვალე იყო ყველასათვის, მეორე, შედეგზე იყოს ორიენტირებული და მესამე, შესაბამისი საინფორმაციო კამპანიები იყოს უზრუნველყოფილი“, - აღნიშნა მინისტრობის კანდიდატმა. 

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს