„წყლის დონე ხეობაში არ მომატებულა, პირიქით, უმნიშვნელოდ მოიკლო კიდეც“, - ამის შეხახებ ლტოლვილთა და განსახლების მინისტრმა სოზარ სუბარმა ჟურნალისტებს განუცხადა.

როგორც მან აღნიშნა, წვიმა დღესაც მოსალოდნელია, თუმცა შეიძლება ითქვას, რომ საფრთხემ ჩაიარა.

„არამხოლოდ ვიზუალური დაკვირვებით, არამედ იმ დაკვირვებებით რასაც აწარმოებენ სპეციალისტები მოწმობს რომ წყლის დონე არ მომატებულა, პირიქით, უმნიშვნელოდ მოიკლო კიდეც, მაგრამ მე ისევ გავიმეორებ ჯერჯერობით, ეს არის უმნიშვნელო მატება, ბევრი რამ არის დამოკიდებული ამინდზე. დღის განმავლობაში იყო კარგი ამინდი, თუმცა ახლა მცირეოდენი ნალექი მოდის, ჟინჟლავს. მთლაიანობაში დღეს ღამით მოსალოდნელია წვიმა და იგივე გაგრძელდება ხვალაც და ზეგაც, ოღონდ დღესაც არ არის ინტენსიური წვიმა მოსალოდნელი და ხვალ და ზეგ კიდევ უნდა დაიკლოს წვიმის ინტენსივობამ. საფრთხე შეგვიძლია ჩავთვალოთ, რომ ძირითადად გადავლილია, თუმცა ჯერ კიდევ არსებობს საფრთხე რომ მდინარე შეიცვლის კალაპოტს, ჯერ კიდევ მდინარეს მოაქვს ძალიან ბევრი მყარი მასალა, ნაშალი მასალა, ხე-ტყე, ქვები და ეს ყოველ წუთს ქმნის საფრთხეს. ადამიანები გადაყვანილი არიან, ავეჯი გავიტანეთ, მაგრამ სახლები რომ გადარჩებიან ამას ჯერ მყარად ვერ ვამბობთ, იმიტომ რომ ტექნიკასაც შეექმნა პრობლემა“, -აღნიშნა სოზარ სუბარმა.

ცნობისთვის, უხვი ნალექის შედეგად, სოფელ ჭუბერში მთის ნაწილის ჩამოშლამ მდინარე ნენსკრას ადიდება გამოიწვია. მდინარის კალაპოტიდან გადმოსვლის გამო დაიტბორა მიმდებარე ტერიტორია, რამაც ათეულობით თემი გარესამყაროს მოწყვიტა, უხვმა ნალექმა  ჩამორეცხა სოფლებს შორის დამაკავშირებელი საავტომობილო გზები. ღვარცოდფის სალიკვიდაციოდ  მოხდა დამატებითი სამაშველო ჯგუფებისა და ტექნიკის მობილიზება უახლოესი ლოკაციებიდან.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს