ლტოლვილთა და განსახლების მინისტრი სოზარ სუბარი, მდინარე ნენსკრას ადიდებას ჰესის მშენებლობას არ უკავშირებს.

"მომხდარს ჰესის მშენებლობას არ ვუკავშირებ. ჰესი აშენებული, რომ ყოფილიყო პირიქით შეაკავებდა ამ ნაკადს, რადგან მდინარე საიდანაც წამოვიდა, ის ადგილი არის ჰესისთვის განკუთვნილი ტერიტორიის მაღლა", - განმარტა მინისტრმა.

სუბარმა სოფელ ჭუბერში არსებულ ვითარებაზეც ისაუბრა და აღნიშნა, რომ ამ ეტაპზე მოსახლეობას საფრთხე არ ემუქრება. მისივე თქმით, ადგილზე მძიმე ტექნიკას ელოდებიან, რის შემდეგაც გზების აღდგენითი სამუშაოები დაიწყება.

"საგანგებო სიტუაციების მართვის სამსახურის ხელმძღვანელთან გიორგი მღებრიშვილთან ერთად შემოვიარეთ მთელი ხეობა. ხეობა არის ძალიან დიდი, სიგრძეში დაახლოებით 40 კილომეტრი და მის ასევე არის ძალიან ბევრი გვერდითი ხეობა, საიდანაც მოხდა დიდი წყლის ნაკადის ჩამოსვლა. შემიძლია ვთქვა, რომ ამ წუთისთვის ძირითადი საფრთხე გადავლილია. მე პირადად ამ მდინარის პირას ვარ გაზრდილი, აქ ვცხოვრობდი და ბავშვობა აქ მაქვს გატარებული, თუმცა მსგავსი არაფერი მინახავს. წყლის ნაკადი არის შემცირებული, პრაქტიკულად განახევრდა. სოფელში წაღებულია თითქმის ყველა ხიდი და გზის რამდენიმე მონაკვეთია. ტექნიკა გზაშია და ძალიან მალე დაიწყება გზის აღდგენითი სამუშაოები. საჭირო იქნება რამდენიმე ადგილას მდინარის თავის კალაპოტში დაბრუნება, რადგან ზოგიერთი ოჯახი პრაქტიკულად კუნძულზე დარჩა. რაც ყელაზე მთავარია ადამიანური მსხვერპლი არ არის. 6 ადამიანი არის მთაში, ისინი არიან მოწყვეტილები, თუმცა მათ საფრთხე არ ემუქრებათ", - განაცხადა სოზარ სუბარმა.

რაც შეეხება ზარალს, მინისტრის თქმით, ზარალის დათვალა ჯერ არ დაწყებულა და აღნიშნულ საკითხზე მუშაობას შესაბამისი უწყებები ხვალიდან შეუდგებიან.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს