„გახმოვანდა პოზიცია, რომ ხომ არ არის ერთ-ერთ რეკომენდაციასთან [მ.კ.-ს მიმართ სისხლის სამართლებრივი დევნის დაწყება] დაკავშირებით გადაწყვეტილებაზე მსჯელობა ნაჩქარევი“, - ამის შესახებ ფრაქცია „ქართული ოცნების“ თავმჯდომარემ, საგამოძიებო კომისიის წევრმა მამუკა მდინარაძემ ომბუდსმენის და არასამთავრობო ორგანიზაციების წარმომადგენლებთან შეხვედრის შემდეგ განაცხადა.

„შეხვედრაზე ძალიან საინტერესო აზრები იქნა გამოთქმული არასამთავრობო სექტორის წარმომადგენლებისგან. მათ შორის გახმოვანდა პოზიცია, რომ ხომ არ არის ერთ-ერთ რეკომენდაციასთან [მ.კ.-ს მიმართ სისხლის სამართლებრივი დევნის დაწყება] დაკავშირებით გადაწყვეტილებაზე მსჯელობა ნაჩქარევი, იქიდან გამომდინარე, რომ ინციდენტში მონაწილე პირები ჯერჯერობით გამოკითხული არ არიან და ჩვენც ამას ვამბობდით ბოლო დღეების განმავლობაში. მეორე რეკომენდაციასთან [გ.მ.-ს სხეულის დაზიანებაზე საქმის ცალკე გამოყოფა] დაკავშირებით შეიძლება თანხმობაც კი იყოს, იმიტომ, რომ ეს არ არის რაღაც პრინციპული საკითხი. ასევე დაისვა საკითხი ხომ არ არის გარკვეულ იურიდიულ პრობლემებზე, რამდენად აქვს კომისიას უფლება გასცეს რეკომენდაცია, რომ კონკრეტული პირის მიმართ დაიწყოს სისხლის სამართლებრივი დევნა, რამდენად არის ამ პირის ქმედებაში დღევანდელი მოცემულობით და მტკიცებულებებით იმ დანაშაულის ნიშნები, რაც რეკომენდაციაში მოცემული. ამასთან დაკავშირებით ჩვენ გვექნება მსჯელობა“, - განაცხადა მამუკა მდინარაძემ.

ცნობისთვის, საგამოძიებო კომისიის სხდომაზე 14:00 საათზეა ჩანიშნული.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს