რეგიონალური განვითარებისა და ინფრასტრუქტურის მინისტრის მაია ცქიტიშვილის განცხადებით, მთავრობაში განხორციელებული ოპტიმიზაცია ბიუროკრატიულ ხარჯებს შეამცირებს. .

როგორც ცქიტიშვილმა აღნიშნა, ეს გადაწყვეტილება პირველ რიგში, უფრო მცირე და ეფექტიან მმართველობას ემსახურება.

"ეს გადაწყვეტილება არის გაგრძელება იმ პოლიტიკის, რასაც ჩვენ ვახორციელებთ, თუმცა ძალიან მნიშვნელოვანი და დიდი ნაბიჯი არის წინ გადადგმული ამ მიმართულებით. ჩვენ დავისახეთ მიზნად, რომ სახელმწიფო აპარატისა და ბიუროკრატიის ხარჯები იყოს დაფიქსირებული მთლიანი შიდა პროდუქტთან მიმართებაში 3,19%-ის ოდენობით. ეს ძალიან ამბიციური განაცხადია, იმიტომ რომ ეს მაჩვენებელი არის განვითარებული დემოკრატიის ქვეყნებში. ამისთვის კი, საჭიროა სტრუქტურული ცვლილებები. ჩვენ გვჭირდება გარკვეული პერიოდი იმისთვის, რომ მოხდეს ჩვენი სტრუქტურების ოპტიმიზიაცია და გადაწყობა. მნიშვნელოვანია, პირველ რიგში გადანაწილებული ფუნქციები შევასრულოთ ეფექტურად და მეორეს მხრივ, ამ ხარჯების მაჩვენებელი გავახადოთ რეალური“, - აღნიშნა მაია ცქიტიშვილმა.

მანვე განმარტა, რომ სტრუქტურული ცვლილებები არ აისახება კადრების შემცირებაზე.

„მცირე მთავრობის კონცეფცია, პირველ რიგში ემსახურება მართვის ოპტიმალურ ცვლელებებს და არა საკადრო შემცირებას. ანუ ეს იმისთვის კი არ კეთდება, რომ ჩვენ შევამციროთ ხალხი, შესაბამისად არ გვაქვს საუბარი მასობრივ შემცირებებზე. საუბარია პირველ რიგში მართვის ოპტიმალურ ცვლილებებზე. სახელმწიფო იღებს იმ გადაწყვეტილებას, რომ ბიუროკრატიის ხარჯები არ უნდა გაიზარდოს. პირიქით, ის უნდა შემცირდეს, ეკონომიკის ზრდასთან ერთად არ უნდა იზრდებოდეს ბიუროკრატიის ხარჯები“, - აღნიშნა მაია ცქიტიშვილმა.

ცქიტიშვილის განცხადებით, განახლებული მინისტრთა კაბინეტი პარლამენტში კანონპროექტის განხილვის შემდეგ გახდება საზოგადოებისთვის ცნობილი

„როგორც ბატონმა მამუკამ ახსენა კონსულტაციები დასრულებულია. ამ ეტაპზე ჩვენ პარლამენტს გადავუგზავნით კანონპროექტს და უკვე პარლამენტი უზრუნველყოფს ამ კანონპროექტის განხილვას. იმედი გვაქვს, რომ პარლმენტი მიიღებს ამ კანონს ასეთი სახით და მას შემდეგ ჩვენ გვექნება უფელება წარვსდგეთ განახლებულად“, - აღნიშნა ცქიტიშვილმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს