სენაკისა და ზუგდიდის ოლქებში საკრებულოების შუალედური არჩევნები მიმდინარეობს. (არჩევნები მაჟორიტარული საარჩევნო სისტემით №64 სენაკის საარჩევნო ოლქის №64.13 ფოცხოს და №67 ზუგდიდის ოლქის №67.11 ერგეტის ადგილობრივ მაჟორიტარულ საარჩევნო ოლქებში იმართება).  დილის 08:00 სთ-იდან ამომრჩევლებისთვის გახსნილია საარჩევნო უბნები და კენჭისყრის პროცესი  ცესკოს ინფორმაციით, მშვიდ და წყნარ გარემოში მიმდინარეობს. 

ცენტრალური საარჩევნო კომისიის ცნობითვე, სენაკის ოლქში ამომრჩეველთა აქტივობამ 12:00 სთ-ის მდგომარეობით 41,1% შეადგინა (541 ამომრჩეველი), ხოლო ზუგდიდში - 18,8 % (217 ამომრჩეველი).

შეგახსენებთ, რომ აღნიშნულ ოლქებში კანდიდატები წარდგენილი ყავთ „ქართულ ოცნებას“, „ერთიან ნაციონალურ მოძრაობას“ და „თავისუფალ საქართველოს“, სენაკში კი ასევე რეგისტრირებულია საინიციატივო ჯგუფის კანდიდატი. 

ხმის მიცემის პროცესს აკვირდებიან, როგორც შესაბამისი საარჩევნო სუბიექტების წარმომადგენლები, ისე მედია ორგანიზაციები და 9 სადამკვირვებლო ორგანიზაციის 52 წარმომადგენელი. 

დღეს დილის 7:00 სთ-იდან ღამის 12:00 სთ-მდე მუშაობს ცენტრალური საარჩევნო კომისიის კონტაქტ-ცენტრი, რომლის ტელეფონის ნომერიც არის  - 2 51 00 51; ასევე ხელმისაწვდომია ონლაინ ჩატი და ონლაინ ოპერატორი.  მოქალაქეებს და დაინტერესებულ მხარეებს შეუძლიათ მოგვმართონ და მოგვაწოდონ არჩევნებთან დაკავშირებული ნებისმიერი სახის ინფორმაცია. 
ცენტრალური საარჩევნო კომისია დღის განმავლობაში პერმანენტულად მოგაწვდით ინფორმაციას ამომრჩეველთა აქტივობის და კენჭისყრის პროცესის მიმდინარეობის შესახებ. 
ცესკოს სპიკერმა ანა მიქელაძემ კენჭისყრის მიმდინარეობის შესახებ პირველი საინფორმაციო ბრიფინგი გამართა და საზოგადოებას დეტალური ინფორმაცია მიაწოდა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა