ყოველთვის ვიყავი და ვარ „ქართული ოცნების“ გუნდური მოთამაშე- ამის შესახებ იუსტიციის მინისტრმა თეა წულუკიანმა ჟურნალისტებს განუცხადა.

წულუკიანის განცხადებით,   პარლამენტის თავმჯდომარემ, ირაკლი კობახიძემ სწორი პასუხის გასცა პრეზიდენტ გიორგი მარგველაშვილს, რომელმაც პრემიერ მინისტრების შეცვლასთან დაკავშირებით მიმდინარე პოლიტიკური სიტუაცია და ბიძინა ივანიშვილი გააკრიტიკა.

„ვფიქრობ, რომ პრეზიდენტის ამ გამონათქვამს ძალიან კარგად და სწორად უპასუხა საქართველოს პარლამენტის თავმჯდომარემ. მან ჩენ ყველას შეგვახსენა, რომ ჩვენ  ვართ საპარლამენტო რესპუბლიკაში, რომ პარტია რომელსაც აქვს  საკანონმდებლო ორგანოში უმრავლესობა იღებს პოლიტიკურ გადაწყვეტილებებს, მათ შორის სახელმწიფოს მართვასთან დაკავშირებით, ისე როგორც ამას ითვალისწინებს ჩვენი ქვეყნის ძირითადი კანონი საქართველოს კონსტიტუციაში.

მე არ შეიძლება ვიცოდე ვინ იქნება მომავალში პრემიერ მინისტრობის კანდიდატი, შემდეგ ეს კანდიდატი რომელიც ჯერ არ დასახელებულა როგორ დააკომპლექტებს საკუთარ კაბინეტს, ამას აქვს თავისი პროცედურა და ასევე  წინასწარი ინფორმაციებიც არ მაქვს.  ყოველთვის ვიყავი და ვარ ქართული ოცნების გუნდური მოთამაშე“,-აღნიშნა თეა წულუკიანმა.

ავტორი: ,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა