2015-05-29 11:58:39, 385 ნახვა
პოლიტიკა
თამარ ბერუჩაშვილი საგარეო საქმეთა სამინისტროს შენობის გარემონტებას ან ალტერნატიულ შენობას ითხოვს
საგარეო საქმეთა მინისტრი თამარ ბერუჩაშვილი მისი უწყებისთვის ალტერნატიული შენობის შეთავაზებას ან აღნიშნული შენობის გარემონტებას ითხოვს.
როგორც ბერუჩაშვილმა მთავრობის სხდომაზე განაცხადა, საგარეო უწყების შენობა არც ადგილმდებარეობით და არც ფიზიკური მდგომარეობით, უწყების შესაბამისი არაა.
"დიდი ხანია ცნობილია, რომ ჩვენი შენობა ავარიულ მდგომარეობაშია. მართლაც, წლების განმავლობაში, სხვადასხვა ხელისუფლების დროს, ბევრი თანხა დაიხარჯა, მაგრამ არც ადგილმდებარეობა, არც ფიზიკური მდგომარეობა, არ არის ამ უწყების შესაბამისი და ალბათ, გადაწყვეტილება მისაღებია. ან უნდა მივხედოთ ამ შენობას, ან სხვა ალტერნატივა ვნახოთ“, - განაცხადა თამარ ბერუჩაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
