დიდი ზომის ქვეწარმავალი, რომელიც რამდენიმე დღის წინ, ნუცუბიძეზე შენიშნეს, გველხოკერა აღმოჩნდა.

ამის შესახებ „ექსპრესნიუსს“ ცხოველთა მონიტორინგის სააგენტოში განუცხადეს.

აღსანიშნავია, რომ გველხოკერა შხამიანი გველი არ არის და ის ადამიანებისთვის საფრთხეს არ წარმოადგენს.

„31 მაისს, 13:13 საათზე, 112-დან შემოვიდა შეტყობინება, რომ  ნუცუბიძის მესამე მიკრო რაიონის მეორე კვარტალში შენიშნეს გველი. 13:27 საათზე ადგილზე მივიდნენ ცხოველთა მონიტორინგის თანამშრომლები. გველი დაიჭირეს და აღმოჩნდა  გველხოკერა. ასევე მოხდა მიმდებარე ტერიტორიის დათვალიერება“, - აცხადებენ ცხოველთა მონიტორინგის სამსახურში. 

მათივე ცნობით, ქვეწარმავალზე გამოძახებების რაოდენობა თბილისის მასშტაბით გაზრდილია.

შეგახსენებთ, ბოლო სამი თვის განმავლობაში მთელი თბილისის მაშტაბით ქვეწარმავალთან დაკავშირებით „112“-ში 300-მდე შეტყობინება შევიდა, აქედან 200 მაისში. სულ მონიტორინგის თანამშრომლებმა 118 ქვეწარმავალი დაიჭირეს და ისინი შესაბამის დაწესებულებაში გადაიყვანეს.

ავტორი: ,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა