საქართველოს შრომის, ჯანმრთელობისა და სოციალური დაცვის სამინისტროს ინიციატივით ახალი კამპანია „ჰიპერტენზიის მართვა შენს ხელშია“ დაიწყო.

საინფორმაციო კამპანიის მიზანია მაღალი არტერიული წნევის შესახებ ცნობიერების ამაღლება, რომლის ფარგლებში, მაისის თვის განმავლობაში, ქვეყნის მასშტაბით დაგეგმილია, უფასო სამედიცინო გასინჯვების აქცია.

კამპანიას უერთდება აჭარის ა/რ ჯანმრთელობისა და სოციალური დაცვის სამინისტრო. სამინისტროს ორგანიზებით მიმდინარე თვის ყოველ ხუთშაბათს, „ქ. ბათუმის N1 პოლიკლინიკასა“ და „საოჯახო მედიცინის რეგიონულ ცენტრში“ აჭარის ჰოსპიტალური სექტორის წამყვანი კარდიოლოგები ჩაატარებენ უფასო სამედიცინო გასინჯვებს.

ასევე, ქვეყნის მასაშტაბით სააფთიაქო ქსელების 771 ფილიალში, სავაჭრო ცენტრებსა და საზოგადოებრივი თავშეყრის ადგილებში წნევის საზომი აპარატები განთავსდება, სადაც ყველა მსურველს ექნება შესაძლებლობა, გაიგოს საკუთარი წნევის ციფრები. ასევე, დარიგდება საინფორმაციო ბუკლეტები და პოსტერები.

არტერიული ჰიპერტენზია ქრონიკული მდგომარეობაა. ის სიკვდილობის ძირითად და ინვალიდობის მესამე უმთავრეს მიზეზს წარმოადგენს. ჯანმრთელობის მსოფლიო ორგანიზაციის მონაცემებით, მსოფლიოში ხუთიდან ორ ზრდასრულ ადამიანს მაღალი წნევა აქვს. საქართველოში, მისი მაჩვენებელი 18-69 წლის პოპულაციაში 37.7%-ია. ჰიპერტენზიის მკურნალობის პროცესში წარმატებას ექიმის მიერ, სწორად შერჩეული რეგულარული მკურნალობა განსაზღვრავს.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია