თბილისის მერი კახა კალაძე ჩოგბურთში ქალთა საერთაშორისო ტურნირის ფინალურ შეხვედრას დაესწრო.
 
ტურნირი თბილისის მერიის მხარდაჭერით, 30 აპრილიდან 5 მაისის ჩათვლით იმართება და მასში 32-მდე ქვეყნის 88 წამყვანი პროფესიონალი ჩოგბურთელი ქალი მონაწილეობს. მათი უმეტესობა მსოფლიოს საუკეთესო ორასეულის მონაწილეა. 

თბილისის მერის განცხადებით, დედაქალაქში მსგავსი ტურნირების ჩატარება თბილისის ცნობადობის ამაღლებას შეუწყობს ხელს.

„თბილისის საერთაშორისო ტურნირი იმართება, რაც მისასალმებელია. დაახლოებით 32 ქვეყნიდან არიან სპორტსმენები ჩამოსული. ასეთი ტურნირები თბილისის განვითარებისთვის და ცნობადობის გაზრდისთვის მნიშვნელოვანია. ჩვენ ვეხმარებით ჩოგბურთის ფედერაციას და ხელს ვუწყობთ, რომ ბევრი ასეთი ტურნირი ჩატარდეს დედაქალაქში“, - განაცხადა კახა კალაძემ.

გარდა მონაწილეებისა, ჩემპიონატს ესწრებიან საერთაშორისო მწვრთნელები და თანმხლები პირები (ჯამში 250 ადამიანი). საქართველოდან აღნიშნულ ჩემპიონატში მონაწილეობს 20 მდე ქართველი ჩოგბურთელი. საქართველოში მსგავსი დონის ტურნირი სპორტის ამ სახეობაში პირველად ტარდება.

(NS)

ავტორი: ,

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა