კონსერვატორიის სამუსიკო სემინარიამ და „ჩვენმა სკოლამ" ტრადიციული სააღდგომო საქველმოქმედო ბაზრობა გამართა.

გამოფენაზე გასაყიდად წარმოდგენილი იყო მოსწავლეების მიერ დამზადებული ხელნაკეთი ნივთები, რომლებიც მოწვეულმა სტუმრებმა სიმბოლურ ფასად შეიძინეს.

საქველმოქმედო ბაზრობის მიზანს ბორჯომის ტყე-პარკის გადარჩენა და გადამწვარი ტერიტორიების აღდგენა წარმოადგენდა.  შემოსული თანხით,  მოსწავლეები კომპანია „თრიფექსის" გუნდის დახმარებით შეიძენენ  წიწვოვანი ხეების ნერგებს, რომლებიც ბორჯომის ტყეში მათ სახელზე დაირგვება.

„ჩვენი ინიციატივით ყოველ წელს იმართება საქველმოქმედო ბაზრობა, რომელიც სხვადასხვა მიზანს ემსახურება. წელს ჩვენი სკოლის  მოსწავლეებმა დიდი მონდომებით დაამზადეს ნივთები, იმისათვის რომ ბორჯომის ტყის დამწვარი ტერიტორიის აღდგენაში შეიტანონ წვილი. ვფიქრობ,  ბავშვების მონაწილეობა ასეთ ღონისძიებებში ძალიან მნიშვნელოვანია",  - განაცხადა კონსერვატორიის რექტორის მოადგილემ და „ჩვენი სკოლის" დამფუძნებელმა მანანა დოიჯაშვილმა.

ხელნაკეთი ნივთების გამოფენა-გაყიდვასთან ერთად „ჩვენი სკოლის"  ეზოში კონსერვატორიის სამუსიკო სემინარიისა და ჩვენი სკოლის" მოსწავლეების კონცერტიც გაიმართა.

(R)

ავტორი: ,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას