კემეროვოს ვიცე-გუბერნატორმა სერგეი ცივილევმა ხანძრის დროს დაღუპული და დაშავებული ადამიანების ახლობლებს მუხლმოდრეკილმა პატიება სთხოვა, - ამის შესახებ "რია ნოვოსტი" იუწყება.

მანამდე, ცივილევმა ერთ-ერთ მომიტინგეს, რომელმაც ხანძარში და, მეუღლე და სამი მცირეწლოვანი შვილი დაკარგა, პიარში დასდო ბრალი.

ცივილევმა სცადა, რომ აქციის მონაწილეებისთვის სიტყვით მიემართა, თუმცა როდესაც მის გამოსვლას შეძახილები მოჰყვა, ის მუხლებზე დადგა და განაცხადა: "მინდა პატიება გთხოვოთ".

ხანძრის შედეგად დაზარალებულები დილიდან აქციას მართავენ. მოქალაქეები ხელისუფლებას დაღუპულების შესახებ ყველა ინფორმაციის გასაჯაროებას სთხოვენ. მათი ერთ-ერთი მთავარი მოთხოვნა ასევე ოლქის ამჟამინდელი ადმინისტრაციის გათავისუფლებაა.

შეგახსენებთ, რომ კემეროვში, სავაჭრო ცენტრში გაჩენილი ხანძრის შედეგად, ბოლო მონაცემებით, 64 ადამიანი დაიღუპა, მაღ შორის 41 ბავშვია.  44 ადამიანი ხანძრის დროს დაშავდა და 10 მათგანი მკურნალობას საავადმყოფოში აგრძელებს. კემეროვოში სამ დღიანი გლოვა გამოცხადდა. გლოვის ნიშნად სახელმწიფო და რეგიონის დროშები დაეშვა. კემეროვოს სავაჭრო ცენტრის მფლობელი ხანძრის დროს დაღუპული ადამიანების ოჯახებს სამი მილიონი, ხოლო ადგილობრივი ხელისუფლება ერთი მილიონი რუბლით დაეხმარება. რუსეთის საგამოძიებო კომიტეტმა ხანძრის გაჩენის საქმეზე 5 ადამიანი დააკავა.

ავტორი: ,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა