კემეროვოს სავაჭრო ცენტრის თანამშრომლები ცეცხლის გაჩენის დროს შენობიდან პირველები გაიქცნენ და ბავშვები დატოვეს, - ამის შესახებ რუსეთის პრეზიდენტ ვლადიმერ პუტინს საგამოძიებო კომიტეტის ხელმძღვანელმა ალექსანდრ ბასტრიკინმა განუცხადა.

მისი  ცნობით, ამჟამად დაკითხვაზეა სავაჭრო ცენტრის ყველა თანამშრომელი, მათ შორის დაცვის სამსახურის წევრები და ისინი, ვინც "კინოდარბაზები დახურა".

"ის თანამშრომლები, რომლებიც ვალდებულნი იყვნენ ეზრუნათ უსაფრთხოებაზე, პირველები გაიქცნენ. თითქმის არ არის დანაკარგი სავაჭრო ცენტრის ადმინისტრაციის წევრებს შორის", - განაცხადა ბასტრიკინმა.

ხანძრის სავარაუდო მიზეზებს შორის ბასტრიკინმა ელექტრომოწყობილობის თვითაალება, ან ღია ცეცხლის გამოყენება დაასახელა.

შეგახსენებთ, რომ კემეროვში, სავაჭრო ცენტრში გაჩენილი ხანძრის შედეგად, ბოლო მონაცემებით, 64 ადამიანი დაიღუპა, მაღ შორის 41 ბავშვია.  44 ადამიანი ხანძრის დროს დაშავდა და 10 მათგანი მკურნალობას საავადმყოფოში აგრძელებს.

კემეროვოში სამ დღიანი გლოვა გამოცხადდა. გლოვის ნიშნად სახელმწიფო და რეგიონის დროშები დაეშვა.

კემეროვოს სავაჭრო ცენტრის მფლობელი ხანძრის დროს დაღუპული ადამიანების ოჯახებს სამი მილიონი, ხოლო ადგილობრივი ხელისუფლება ერთი მილიონი რუბლით დაეხმარება.

რუსეთის საგამოძიებო კომიტეტმა ხანძრის გაჩენის საქმეზე 5 ადამიანი დააკავა.

ავტორი: ,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა