ლიტვამ „მაგნიტსკის სიის“ გაფართოების გადაწყვეტილება მიიღო და რუსეთის 44 მოქალაქეს ქვეყნის ტერიტორიაზე შესვლა აუკრძალა.

ამ დრომდე სიაში 70 პირი, მათ შორის ჩეჩნეთის ლიდერი რამზან კადიროვი და რუსეთის საგამოძიებო კომიტეტის ხელმძღვანელი, ალექსანდრე ბასტრიკინი იყვნენ.

ოფიციალური ვილნიუსი მათ ადამიანის უფლებების დარღვევაში, კორუფციასა და ფულის გათეთრებაში ადანაშაულენს.

„მაგნიტსკის სიის“ გაფართოების შემდეგ, ვილნიუსმა არ გაასაჯაროვა იმ პირთა ვინაობა, ვისაც ლიტვაში შესვლა აუკრძალეს. ხელისუფლებამ განმარტა, რომ ეს ეროვნული უსაფრთხოების საკითხია.

ცნობისთვის, 26 მარტს ლიტვამ სოლიდარობა გამოუცხადა დიდი ბრიტანეთის მთავრობას და სოლსბერიში რუსეთის დაზვერვის ყოფილი ოფიცრის, სერგეი სკიპალის და მისი ქალიშვილის მოწამვლის გამო, ქვეყნიდან სამი დიპლომატი გააძევა.

სერგეი მაგნიტსკი, რომლის სახელსაც ატარებს კანონი, საინვესტიციო ფონდ Hermitage-ის იურისტი იყო, რომელიც 2009 წელს რუსეთის წინასწარი დაკავების იზოლატორში გარდაიცვალა. ის რუსეთის მაღალი თანამდებობის პირების კორუფციულ გარიგებებს იძიებდა. მის სიკვდილში რუს მაღალჩინოსნებს ადანაშაულებენ.

შეგახსენებთ, რომ 22-მა ქვეყანამ,  ჯამში 136 რუსი დიპლომატის გაძევების გადაწყვეტილება მიიღო.

ავტორი: ,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა