Facebook-ის კაპიტალიზაცია ერთ კვირაში 58 მილიარდი დოლარით დაეცა, - ამის შესახებ უცხოური მედია იუწყება.

გარდა ამისა, კომპანიის აქციები 159.39 დოლარით გაუფასურდა და 177.1 დოლარიან ნიშნულზე ჩამოვიდა. Facebook-ს ფინანსური პრობლემები Cambridge Analitica-ს სკანდალის შემდეგ დაიწყო.

კერძოდ, 18 მარტს, მასაჩუსეტსის შტატის გენერალურმა პროკურორმა მარა ჰელეიმ Facebook-ისა და კომპანია Cambridge Analytica-ს წინააღმდეგ გამოძიება დაიწყო. გამოძიების თანახმად, Cambridge Analytica დონალდ ტრამპის საარჩევნო კამპანიაზე მუშაობდა. მასალების მიხედვით, კომპანიამ უკანონოდ მიიღო Facebook-ის 50 მილიონ მომხმარებელზე მონაცემები, რათა ამის მეშვეობით არჩევნებში დონალდ ტრამპს მოეგო. დადგინდა ასევე, რომ ტრამპის წინასაარჩევნო კამპანია მთლიანად აეწყო კომპანიის მონაცემებზე.

გამოძიების დაწყების შემდეგ Facebook-ს რიგი პრობლემები შეექმნა, რადგან მესამე პირისთვის კონფიდენციალური ინფორმაციის გადაცემა Facebook-ის პოლიტიკის ერთ-ერთი დარღვევაა.

აგორებული სკანდალის შემდეგ კომპანიის დამფუძნებლის მარკ ცუკერბერგის დაკითხვის სურვილი ამერიკაში და დიდ ბრიტანეთში გაჩნდა. ცუკერბერგს საჯარო ბოდიშის მოხდაც მოუწია. "ჩვენ გვაქვს თქვენი ინფორმაციის დაცვაზე პასუხისმგებლობა. და თუ ამას ვერ ვაკეთებთ, ესე იგი არ ვიმსახურებთ ნდობას“, - ნათქვამია განცხადების შესავალში, რომელსაც ხელი მარკ ცუკერბერგმა მოაწერა.

სკანდალის ფონზე ინტერნეტში გავრცელდა მორიგი კამპანია #DeleteFacebook (წაშალე ფეისბუქი). აღნიშნულ კამპნიის ცნობილი ადამიანები უკვე შეუერთდნენ. მათ შორის არის მსახიობი ჯიმ ქერი, რომელმაც სოციალურ ქსელში ანგარიში ერთ-ერთმა პირველმა, ჯერ კიდევ თებერვალში გააუქმა, ასევე მომღერალი შერი, WhatsApp-ის დამფუძნებელი ბრაიან ქტონი და სხვები.

ავტორი: ,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა