პუტინი: 100 წლამდე ხომ არ ვიქნები ქვეყნის პრეზიდენტი ?

2018-03-19 10:41:57, 1906 ნახვა

მსოფლიო

100 წლამდე ხომ არ ვიქნები ქვეყნის პრეზიდენტი?, - ასე უპასუხა რუსეთის ფედერაციის ახლად არჩეულმა პრეზიდენტმა ვლადიმერ პუტინმა არჩევნების შედეგების გამოქვეყნების შემდეგ გამართულ პრესკონფერენციაზე ჟურნალისტის შეკითხვას.

მედიის წარმომადგენელი დაინტერესდა, მიიღებს თუ არა პუტინი 2030 წლის საპრეზიდენტო არჩევნებში მონაწილეობას.

„მოდით დავითვალოთ. სასაცილოა, ას წლამდე ხომ არ ვიქნები პრეზიდენტი? არა, არ ვიქნები. რაც შეეხება იმას, ნახავენ თუ არა რუსები ახალ პუტინს, ყველაფერი თავის დინებას მიყვება, ყველაფერი იცვლება“, - განაცხადა პუტინმა.

შეგახსენებთ, რომ ვლადიმერ პუტინი, კვლავ რუსეთის ფედერაციის პრეზიდენტია. ქვეყნის საარჩევნო კომისიის ინფორმაციით, ბიულეტენების 99%-ის დათვლის შედეგად, მან ხმების 76.65% მიიღო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები