სპეციალური მონიტორინგის ჯგუფი სურამის ფსიქიატრიულ დაწესებულებაში არსებული ვითარების შესახებ შეფასების დოკუმენტს კვირის ბოლომდე წარმოადგენს.

შრომის, ჯანმრთელობის და სოციალური დაცვის სამინისტროს ინფორმაციით, დოკუმენტში აისახება დაწესებულებაში ინფრასტრუქტურული, კლინიკური და ფინანსური მიმართულებით არსებული მდგომარეობა, რაც გახდება უშუალოდ შრომის, ჯანმრთელობისა და სოციალური დაცვის სამინისტროს მიერ გადაუდებელი ინტერვენციების განხორციელების საფუძველი.

ამასთან, სამინისტროს ცნობით, სამუშაო ჯგუფის ფორმატში, რომელიც სამინისტროს თანამშრომლებთან ერთად დაკომპლექტებულია ფსიქიატრიული დარგის ექსპერტებით, არასამთავრობო ორგანიზაციების და სახალხო დამცველის აპარატის წარმომადგენლებით, შემუშავდება დარგის განვითარების საშუალო და გრძელვადიანი ხედვა, რომელიც მომდევნო კვირის ბოლომდე წარედგინება მინისტრის სათათბირო ორგანოს -,,ფსიქიკური ჯანმრთელობის პოლიტიკის განმსაზღვრელ საბჭოს“.

„ფსიქიკური ჯანმრთელობის განვითარების სტრატეგიული დოკუმენტის თანახმად, ფსიქიკური ჯანდაცვის სისტემის განვითარების უმნიშვნელოვანეს პრინციპებად აღიარებულია ფსიქიატრული სერვისების გეოგრაფიული და დროული ხელმისაწვდომობა, სათემო სერვისების განვითარება, სერვისების დეინსტიტუციონალიზაცია და მოსახლეობის საჭიროებებზე მაქსიმალურად მორგებული და დაბალანსებული სისტემის შექმნის უზრუნველყოფა.

თუმცა არსებობს რიგი გამოწვევები, რომლებიც საჭიროებენ დაუყოვნებლივ რეაგირებას, მათ შორის აღმოსავლეთ საქართველოს ფსიქიკური ჯანმრთელობის ცენტრის სურამის დაწესებულებაში არსებული სიტუაცია“, - აცხადებენ სამინისტროში.

ავტორი: ,

სოციალური ქსელები

პოლონეთი უკრაინას რუსეთის მხრიდან შესაძლო ცრუ დროშის ოპერაციაზე აფრთხილებს

ტრამპი: ირანის ხიდებსა და ელექტროსადგურებს დავარტყამთ, თუ მოლაპარაკებებს არ განაახლებენ

საია: ფორმულასთან დაკავშირებით სასამართლოს გადაწყვეტილება SLAPP პრეცედენტია

უკრაინამ შავ ზღვაში რუსეთის ჩრდილოვანი ფლოტის 20 გემს დაარტყა