„ასოცირების  შეთანხმება ქვეყნებს  აახლოვებს და მესამე სახელმწიფოს  წინააღმდეგ არ არის მიმართული“,-ამის შესახებ  ავსტრიის პრეზიდენტმა ჰაინც ფიშერმა  საქართველოს პრეზიდენტ გიორგი მარგველაშვილთან ერთობლივ პრესკონფერენციაზე განაცხადა.

მისივე თქმით,  ავსტრიის პოზიცია ასოცირების შეთანხმებასთან დაკავშირებით არის მკაფიო და ცალსახა.

„ჩვენი პოზიცია არის ცალსახა და მკაფიო, რომ ასეთი ტიპის ასოცირების  შეთანხმება აახლოვებს  სახელმწიფოებს მათ ეკონომიკას, მათ ეკონომიკურ  მდგომარეობას, არ არის მიმართული მესამე სახელმწიფოს წინააღმდეგ.   ამავდროულად ჩვენ  ვფიქრობთ, რომ შავი ზღვის რეგიონი არის  ძალიან მნიშვნელოვანი რეგიონი, რომელსაც აქვს ერთობლივი ნიშნები ევროკავშირის მიმართ.  და სწორედ ამ ერთობლიობაზე უნდა ვიყოთ  მაქსიმალურად ორიენტირებული.  საქართველო არის ძალიან მნიშვნელოვანი ქვეყანა მათ შორის  განვითარების, თანაშრომლობის თვალსაზრისით ავსტრიისთვის“,-განაცხადა ფიშერმა.

როგორც ფიშერმა აღნიშნა,, 2017 წელს ავსტრია გახდება ეუთოს თავმჯდომარე ქვეყანა.

„ამ ორგანზიაციას კი აქვს უდიდესი პასუხისმგებლობა მშვიდობის შესანარჩუნებლად და მაქსიმალურად შეეცდება მშვიდობის უზრუნველყოფას, მათ შორის, საქართველოსთან ორმხრივი თანამშრომლობის კუთხით“,-განაცხადა ფიშერმა.

ამასთან, ავსტრიის პრეზიდენტმა მადლობა გადაუხადა  საქართველოს პრეზიდენტს  გიორგი მარგველაშვილს მოწვევისთვის და დასძინა, რომ ის რეალურად მოწადინებულია,    ავსტრიამ კონკრეტული ნაბიჯები გადადგას საქართველოსთან მიმართებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია