მიტროპოლიტი თეოდორე - ვალეში კათოლიკური სიწმინდეების დაწვა ვანდალიზმია, რასაც გამოძიებამ დროულად უნდა უპასუხოს

2018-03-14 13:59:50, 1946 ნახვა

საზოგადოება

ახალციხისა და ტაო-კლარჯეთის მიტროპოლიტი თეოდორე (ჭუაძე) ვალეში, კათოლიკური ხატებისა და წიგნების დაწვასთან დაკავშირებით განცხადებას ავრცელებს.

როგორც განცხადებაშია აღნიშნული, მომხდარი ფაქტი ვანდალიზმია, რასაც გამოძიებამ პასუხი დროულად უნდა გასცეს.

ამასთან, მიტროპოლიტი არ გამორიცხავს, რომ დამწვარ ხატებსა და წიგნებს შორის მართლმადიდებლურიც იყოს.

„ა.წ. 12 მარტს, ახალციხის მუნიციპალიტეტის დაბა ვალეში მცირე სალოცავთან კათოლიკური ხატებისა და ლოცვის წიგნების დაწვის ფაქტი ვანდალიზმია, რასაც გამოძიებამ პასუხი აუცილებლად დროულად უნდა გასცეს.

არ არის გამორიცხული, რომ დამწვარ ხატებსა და წიგნებს შორის მართლმადიდებლურიც იყო, რადგან ეს ისეთი ადგილია, სადაც მსახურება არ აღევლინება და აქ სანთლის დასანთებად მართლმადიდებლებიც დადიან.

მომხდარი ან შეგნებული პროვოკაციაა, ან ფსიქიურად გაუწონასწორებელი ადამიანის ნახელავი.

ცნობისთვის, ვალეში უცნობმა პირებმა კათოლიკური სიწმინდეები დაწვეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები