შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებული დანაშაულის წინააღმდეგ ბრძოლის მთავარი სამმართველოს უფროსის მამუკა ჭელიძის ინფორმაციით, ტატიშვილის ქუჩაზე მომხდარი მკვლელობა გახსნილია.

როგორც ჭელიძემ აღნიშნა, მკვლელობა შურისძიების მოტივით მოხდა.

"გუშინ, ვერაზე, ტატიშვილის ქუჩაზე მომხდარი მკვლელობის ფაქტი გავხსენით. გატარებული აქტიური სამძებრო და საგამოძიებო ღონისძიების შედეგად პოლიციელებმა 1975 წელს დაბადებული ვ.წ. განზრახ მკვლელობის ბრალდებით თბილისში დააკავეს.  მის მიერ ჩადენილი დანაშაული 7-დან 15 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ ბრალდებულმა 11 მარტს თბილისში ტატიშვილის ქუჩაზე შურისძიების მოტივით ნაცნობს, 1957 წელს დაბადებულ გ.რ.-ს მისსავე საცხოვრებელ სახლში სანადირო თოფის გასროლის სხეულზე სასიკვდილო ჭრილობა მიაყენა და მიიმალა. გ.რ. შემთხვევის ადგილზე გარდაიცვალა. სამართალდამცველებმა ბრალდებული მომხდარიდან რამდენიმე საათში დააკავეს. პოლიციამ დანაშაულის ჩადენის იარაღი -სანადირო თოფი ნივთმტკიცებად ამოიღო. გამოძიება განზრახ მკვლელობის ფაქტზე სსკ-ის 108-ე მუხლით მიმდინარეობს", - განაცხადა ჭელიძემ.

შეგახსენებთ, რომ თბილისში, ტატიშვილის ქუჩაზე მოკლული მამაკაცი ე.წ. კრიმინალური ავტორიტეტი გოგი ხატოევია. როგორც „ექსპრესნიუსს“ შინაგან საქმეთა სამინისტროში განუცხადეს, 61 წლის, წარსულში მრავალჯერ ნასამართლევი მამაკაცი,  საკუთარ სახლში  გარდაცვლილი იპოვეს. ხატოევს გვარი შეცვლილი ჰქონდა და მას გოგი რატიანით იცნობდნენ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს