5-7 მარტს ესპანეთის ქალაქ ვალენსიაში საქართველოს სამთავრობო დელეგაციის სამუშაო ვიზიტი გაიმართა, რომლის ფარგლებში შედგა შეხვედრები ქალაქ ვალენსიის მერთან, ვალენსიის ავტონომიის კორტესის თავმჯდომარესთან, ადგილობრივი მთავრობისა და ბიზნესის წარმომადგენლებთან. 

ვიზიტის ფარგლებში, 5 მარტს საქართველოს დელეგაციამ მონაწილეობა მიიღო ესპანური კომპანიების „Ortiz & Asociados“-ისა და „GEES iberia“-ს ორგანიზებით, გამართულ შეხვედრაში, რომელსაც 150-მდე ადგილობრივი კომპანიის წარმომადგენელი დაესწრო. ისინი წარმოადგენდნენ ეკონომიკის ისეთ სექტორებს, როგორიცაა მრეწველობა, უძრავი ქონება, სოფლის მეურნეობა, ა.შ. 

შეხვედრაზე ესპანური ბიზნესის წარმომადგენლების წინაშე მისალმებით გამოვიდნენ საქართველოს ეკონომიკისა და მდგრადი განვითარების მინისტრის მოადგილე გენადი არველაძე და გარემოს დაცვისა და სოფლის მეურნეობის მინისტრის მოადგილე იური ნოზაძე.

ესპანური ბიზნესის წარმომადგენლების დიდი დაინტერესება გამოიწვია პრეზენტაციამ საქართველოს ბიზნეს გარემოსა და საინვესტიციო შესაძლებლობების შესახებ. მათ შორის, ინფორმაციამ ლიბერალური საგადასახადო რეჟიმის, მსოფლიოს დიდ ბაზრებთან არსებული თავისუფალი ვაჭრობის შეთანხმებების, სტრუქტურული და ინსტიტუციონალური რეფორმების, აგრეთვე მსხვილი საინვესტიციო პროექტების თაობაზე, რომლებიც ქვეყნის ეკონომიკის სხვადასხვა პრიორიტეტულ მიმართულებას შეეხებოდა. 

აღნიშნული პრეზენტაცია ეკონომიკისა და მდგრადი განვითარების სამინისტროს სსიპ სააგენტო „აწარმოე საქართველოში“ უფროსმა საინვესტიციო მრჩეველმა გიორგი ედილაშვილმა ჩაატარა. ესპანური ბიზნესის წარმომადგენლებმა ასევე მოისმინეს დეტალური ინფორმაცია საქართველოს საპარტნიორო ფონდის და მისი საინვესტიციო პროექტების შესახებ. 

აღსანიშნავია, რომ ბიზნეს-ფორუმის ფარგლებში გაიმართა შეხვედრა ესპანეთის ერთ-ერთ მსხვილ კომპანიასთან „Primaflor“, რომელიც სოფლის მეურნეობის მიმართულებით საქმიანობს და თანამედროვე ტექნოლოგიებით აღჭურვილი სასათბურე მეურნეობები აქვს. შეხვედრაზე კომპანიის წარმომადგენლებმა საქართველოში ბიზნეს საქმიანობის დაწყების ინტერესი გამოთქვეს. 

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს