შინაგან საქმეთა სამინისტროს მიერ პარლამენტში ინიცირებული კანონპროექტის თანახმად, წვრილმანი ხულიგნობისა და სამართალდამცავი ორგანოს თანამშრომლის მოთხოვნისადმი დაუმორჩილებლობისათვის ჯარიმა იზრდება.

კერძოდ კი, წვრილმანი ხულიგნობა 100 ლარის ნაცვლად, გამოიწვევს 500 ლარიდან 1 000 ლარამდე დაჯარიმებას. აღნიშნულ სამართალდარღვევაზე ასევე შესაძლოა გამოიყენონ ადმინისტრაციული პატიმრობა 15 დღემდე ვადით.

წვრილმანი ხულიგნობა კანონში განმარტებულია, როგორც საზოგადოებრივ ადგილებში ლანძღვა-გინება, მოქალაქეებზე შეურაცხმყოფელი გადაკიდება და სხვა ამგვარი მოქმედება, რომელიც არღვევს საზოგადოებრივ წესრიგსა და მოქალაქეთა სიმშვიდეს.

რაც შეეხება სამართალდამცავი ორგანოს თანამშრომლის მოთხოვნისადმი დაუმორჩილებლობა ან მის მიმართ სხვა კანონსაწინააღმდეგო ქმედება, ეს 1000-დან 4000 ლარამდე დაჯარიმას გამოიწვევს. აღსანიშნავია, რომ ამ ეტაპზე აღნიშნული ქმედება 250-დან 2000 ლარამდე ჯარიმას ითვალისწინებდა. აღნიშნული ქმედებისთვის ასევე გათვალისწინებულია ადმინისტრაციული პატიმრობა 15 დღემდე ვადით.

როგორც განმარტებით ბარათშია აღნიშნული, კანონპროექტის მიღების მიზანია, სახელმწიფოს წარმომადგენლების კანონიერი განკარგულებისადმი ან მოთხოვნისადმი დაუმორჩილებლობისა და წვრილმანი ხულიგნობის ფაქტების შემცირება სანქციების გაზრდის გზით, ასევე მოქალაქეთა კანონმორჩილების ხარისხის გაზრდა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს