„ევროპული საქართველოს“ წევრის ირმა ნადირაშვილის განცხადებით, საპარლამენტო უმრავლესობამ დღეს  მუხთარლის საქმის პოლიტიკურ კინკლაობაში და ურთიერთბრალდებებში გადაყვანა სცადა.

ნადირაშვილმა ნუკრი  ქანთარიას განცხადებას უპასუხა, სადაც ის ამბობს, რომ მუხთარლის საკითხზე დროებითი საგამოძიებო კომისიის შექმნა ოპოზიიცის ინტერესებშია.

დეპუტატის თქმით, დღევანდელი ოპოზიცია არ არის ის ოპოზიცია, რომელიც ქვეყნის ინტერესების საზიანო საკითხებით ქულების დაწერას სცდილობს:

„ძალიან სამწუხაროა, რომ ქალბატონი ელენეს ძალიან გაწონასწორებული და სწორი ტონის მიუხედავად, ჩვენმა კოლეგებმა სცადეს, ეს საქმე პოლიტიკურ კინკლაობაში  და ურთიერთბრალდებებში გადაეყვანათ. ბატონი ნუკრი ქანთარიას მხრიდან ისიც მოვისმინეთ, რომ ჩვენ გვინდა ჩავეჭიდოთ მომენტს და შემდეგ ის გამოვიყენოთ ჩვენს სასარგებლოდ. ბატონო ნუკრი, ნამდვილად გეშლებათ. ჩვენ არ ვართ ის ოპოზიცია, რომელიც ცდილობს, ქულები დაიწეროს ისეთ საკითხებზე, რომელიც  ქვეყნის ინტერესებს აზარალებს. ანუ, ჩვენ ვართ პასუხისმგებლობის მქონე ოპოზიცია და არასდროს  დაგაბრალებთ ხელისუფლებაში მოსასვლელად, რომ მაგალითად ჩვილი ბავშვი ჩაახრჩეთ ქვევრში, მე და ჩემი მეგობრები არასდროს დაგაბრალებთ და  არ გამოვიყენებთ ჩატაევის საქმეს ისე, როგორც მაგალითად თქვენ გამოიყენეთ ლაფანყურის საკითხი, არასდროს არავის ჯინაზე ციხიდან არ გავათავისუფლებთ ჩატაევის მსგავს ადამიანს,რომელსაც აქვს მძიმე ბრალდებები“,-განაცხადა ირმა ნადირაშვილმა.

ნადირაშვილის განმარტებით, დროებითი საგამოძიებო კომისიის  შექმნის მოთხოვნის მიზეზია ის, რომ პროკურატურის მიერ  მუხთარლის საქმის ობიექტური გამოძიების არ სჯერათ:

„არ გავქვს ასეთი მოლოდინები იმიტომ, რომ ისეთი საკითხები,რომლის გამოძიებაც არ გაწყობდათ,არ არის მიყვანილი ბოლომდე. მაგალითად, ზურაბ ჟვანიას ფოტოები- ჰაკიმ ფაშას ცნობილი საქმე, როცა ქვეყნის მთავარი პროკურორის სეიფიდან სურათები  მოხვდა მედიაში, მერაბიშვილის საკნიდან გაყვანის საქმე, სანამ სტრასბურგის სასამართლომ არ მოგიწოდათ ამ საკითხზე გამოძიება ჩაგეტარებინათ, არც ერთი ნაბიჯი გადაგმულა, თუმცა გამოძიების შედეგი ცალკე საკითხია, ფარცხალაძის და თორდიას საკითხი, გვარამია- შუბლაძის კაბინეტში დამონტაჟებული კამერები. არც ერთი ინფორმაცია ამაზე არ გვაქვს“,-განაცხადა ნადირაშვილმა.

ავტორი: ,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ