ანგელა მერკელისა და მარტინ შულცის პარტიები 4-თვიანი მუშაობის შემდეგ, კოალიციაზე შეთანხმდნენ

2018-02-07 13:43:08, 2528 ნახვა

მსოფლიო

გერმანიის კანცლერის ანგელა მერკელის "კონსერვატორებსა" და მარტინ შულცის "სოციალ-დემოკრატებს" შორის კოალიციური მთავრობის შექმნაზე შეთანხმება მიღწეულია, - ამის შესახებ Spiegel იუწყება.

მედია საშუალების ინფორმაციით, შეთანხმებას კოალიციური მთავრობის შექმნაზე პოლიტიკოსებმა დღეს ბერლინში მიაღწიეს. მარტინ შულცის პარტია საგარეო საქმეთა, ფინანსთა და შრომის სამინისტროებს უხელმძღვანელებს.

ბუნდესტაგის არჩევნების შემდეგ გერმანიაში მთავრობის ჩამოყალიბება ვერ მოხერხდა.

შეგახსენებთ, რომ არჩევნების შედეგად მერკელის ბლოკმა გაიმარჯვა, თუმცა კაბინეტის დამოუკიდებლად ჩამოყალიბებისთვის საჭირო მანდატები ვერ მიიღო. გერმანიაში საპარლამენტო არჩევნები 24 სექტემბერს ჩატარდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები