მთავარმა პროკურატურამ თბილისის საქალაქო სასამართლოს დემირელის კერძო კოლეჯის ხარისხის მართვის მენეჯერ მუსტაფა ემრე ჩაბუქის თურქეთში ექსტრადირების თაობაზე მიმართა. ამ საკითხთან დაკავშირებით, დღეს, 17 საათზე,  ჩაბუქის ადვოკატები საგანგებო ბრიფინგს გამართავენ.

 თბილისის სააპელაციო სასამართლოში 26 იანვარს გამართული პროცესის შემდეგ, რა დროსაც სასამართლომ ჩაბუქსა და მის ოჯახს საქართველოში  ლტოლვილის სტატუსის მინიჭებაზე უარი უთხრა, ადვოკატმა სოსო ბარათაშვილმა მედიასთან ექსტრადირების საკითხზეც ისაუბრა.

 მისი  თქმით, თუ სასამართლო მიიღებს გადაწყვეტილებას, რომ იუსტიციის მინისტრს დართოს ნება,  ექსტრადიციის თაობაზე განკარგულების გამოცემის შესახებ, ადამიანის უფლებათა ევროპულ სასამართლოში ექსტრადიციის შეჩერების მოთხოვნით, სარჩელს შეიტანენ.

შეგახსენებთ, 2017 წლის 24 მაისს, თბილისში, თურქეთის მხარის მოთხოვნით, დემირელის კერძო კოლეჯის ხარისხის მართვის მენეჯერი მუსტაფა ემრე ჩაბუქი დააკავეს.

მას ბრალად ედება წილების გასხვისების მცდელობა ერთ-ერთ ამერიკულ ფირმაზე, რომელიც ტერორისტულ ორგანიზაციადაა მოხსენიებული თურქული მხარის მიერ, რასაც თავად ჩაბუქი კატეგორიულად უარყოფს.

ჩაბუქის წინასაექტრადაციო პერიოდი თებერვალში იწურება.

ავტორი: ,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა