წითელ ბაღში დაჭრილი ორი მოსწავლე კვლავ საავადმყოფოში რჩება - მათი მდგომარეობა სტაბილურია

2018-02-01 08:24:37, 1789 ნახვა

საზოგადოება

თბილისის #35-ე საჯარო სკოლის ორი მოსწავლე, რომელიც გუშინ წითელ ბაღში დაჭრეს, კვლავ რესპუბლიკურ საავადმყოფოში, ექიმების მეთვალყურეობის ქვეშ რჩება.

მოზარდეს ქირურგიული ჩარევა არ დასჭირდათ, თუმცა მათ სავარაუდოდ ცივი იარაღით მიყენებული შემავალი ჭრილობები აღენიშნებათ. მოზარდების ჯანმრთელობის მდგომარეობა სტაბილურია.

როგორც ჟურნალისტებს ექიმმა თეა თავართქილაძემ განუცხადა, პაციენტებს გულ-მკერდის ზედაპირზე ნაკვეთ-ნაჩხვლეტი ჭრილობა აღენიშნებათ.

გავრცელებული ინფორმაციით, ერთი ახალგაზრდა საავადმყოფოში მეგობარმა მიიყვანა, მეორე კი, სტაციონარში თავად მივიდა. ამ დროისთვის უცნობია, თუ რა ვითარებაში მოხდა ახალგაზრდების დაჭრა.

შეგახსენებთ, რესპუბლიკურ საავადმყოფოში ორი დაჭრილი მოზარდი რამდენიმე საათის წინ შეიყვანეს. არსებული ინფორმაციით, ისინი 35-ე საჯარო სკოლის მოსწავლეები არიან. შინაგან საქმეთა სამინისტრომ მომხდარზე გამოძიება სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები