გერმანიაში ქურდობის ბრალდებით საქართველოს და აზერბაიჯანის მოქალაქეები დააკავეს

2018-01-27 13:02:30, 2233 ნახვა

მსოფლიო

გერმანიაში, ქალაქ მაინცში ქურდობის ბრალდებით საქართველოს და აზერბაიჯანის მოქალაქეები დააკავეს, - ამის შესახებ ქალაქის პოლიციის ვებ-გვერდზე გამოქვეყნებულ ინფორმაციაშია ნათქვამი.

პოლიციის ინფორმაციით, დაკავებულია 43 წლის ქალი და 46 წლის მამაკაცი. სამართალდამცველების თქმით, მათ ქალაქის ცენტრში მდებარე ტანსაცმლისა და პარფიუმერიის ძვირადღირებული ბრენდების მღაზიები რამდენჯერმა გაძარცვეს.

ვებგვერდზე განთავსებული მონაცემების თანახმად, დაკავებულების დანაშაული სათვალთვალო კამერებმა დააფიქსირეს, რის შემდეგადაც ისინი ადგილზევე აიყვანეს.

მათ 6800 ევროს ღირებულების ნივთების ქურდობას ედავებიან.

აღსანიშნავია, რომ მოქალაქეების ბინის ჩხრეკისას სამართალდამცველებმა მოპარული ნივთები ამოიღო, ამ დროისთვის ისინი საპატიმრობაში არიან გადაყვანილი. გამოძიება მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები