გენერალ სამსონ ქუთათელაძის მკვლელობის საქმეზე საგამოძიებო მოქმედებების ფარგლებში დაკავებული გიორგი ჭანტურიას მამის, ზურაბ ჭანტურიას განცხადებით, გენერალ სამსონ ქუთათელაძესთან არანაირი შემხებლობა არ აქვს.

როგორც ზურაბ ჭანტურიამ აღნიშნა, პრესკონფერენციაზე, რომელიც რამდენიმე წუთში დაიწყება, ე.წ. სტამბოლის ბაზრის წილებზე ყურადღებას არ გაამახვილებს.

„კაცს ერთხელ შევხვდი ზაფხულში... ღვთისა და ერის წინაშე ვფიცავ, რომ არავითარი შეხების წერტილი მაგ კაცთან არ გვქონია, მათ შორის არც ჩემ შვილს“,  - განაცხადა ზურაბ ჭანტურიამ.

ცნობისთვის, გიორგი ჭანტურია, რომელიც ე.წ. სტამბოლის ბაზრობის ყოფილი მეწილეა, 17 იანვარს დააკავეს. ის რამდენიმე საათის განმავლობაში იკითხებოდა. გიორგი ჭანტურიამ წუხელ, ქვემო ქართლის პოლიციის დეპარტამენტის შენობა დატოვა. როგორც შსს-ს განცხადებაშია აღნიშნული, მას მიმდინარე გამოძიებაზე ბრალი არ წარედგინა.

შეგახსენებთ, რომ რუსთავში, ე.წ. სტამბოლის ბაზრობის ერთ-ერთი მეწილე სამსონ ქუთათელაძე 15 იანვარს მოკლეს. მომხდარზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას  გულისხმობს.

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა