საგარეო საქმეთა მინისტრის, მიხეილ ჯანელიძის განცხადებით, უწყებაში რეორგანიზაცია უკვე გამოცხადებულია და ეს პროცესი აქტიურად მიმდინარეობს.

როგორც ჯანელიძემ მთავრობის სხომის დასრულების შემდეგ ჟურნალისტებს განუცხადა, რეორგანიზაცია 1-ელ აპრილამდე დასრულდება.

„ასევე მიმდინარეობს კონკურსი, შერჩევის პროცესი და ძალიან მალე ვფიქრობთ, ეს პროცესი დასრულდება. დასრულდება ისე, რომ ორივე უწყება, ერთი უკვე სტრუქტურის ფარგლებში, გააგრძელებს ეფექტურად საქმიანობას. ევროპული და ევროატლანტიკური ინტეგრაცია ჩვენი უმთავრესი პრიორიტეტია, და შეიქმნება შესაბამისი სტრუქტურები უკვე საგარეო საქმეთა სამინისტროს ფარგლებში, რომელიც უზრუნველყოფს ამ პრიორიტეტის განხორციელებას, შესაბამისი ადამიანური რესურსით. რა თქმა უნდა ეს გულისხმობს ასევე საკადრო ოპტიმიზაციასაც. რეორგანიზაციის შემდეგ იქნება ცნობილი, რა ადამიანური რესურსით შევძლებთ ჩვენ ამ ფუნქციის განხორციელებას. რეორგანიზაციის ვადები რა თქმა უნდა ცნობილია, ჩვენ უნდა დავასრულოთ 1-ელ აპრილამდე, თუმცა ჩვენ ამ პროცესს ძალიან აქტიურად ვახორციელებთ და შესაძლოა, მანამდეც დასრულდეს“, - განაცხადა მიხეილ ჯანელიძემ.

შეგახსენებთ, რომ პრემიერ-მინისტრის გიორგი კვირიკაშვილის გადაწყვეტილებით, რამდენიმე უწყება გაუქმდა, მათ შორის ევროპულ და ვეროატნალტიკურ სტრუქტურებში ინტეგრაციის საკითხებში სახელმწიფო მინისტრის აპარატი, რომელიც საგარეო საქმეთა სამინისტროს შეუერთდა.

ავტორი: ,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს