სტამბოლში, ესენლარის რაიონში საიუველირო მაღაზიის დაყაჩაღების დროს საქართველოს ერთი მოქალაქე დაიღუპა, - ამის შესახებ Milliyet იუწყება.

მედია საშუალების ინფორმაციით, ინციდენტის დროს, კიდევ ერთი მოქალაქე დაიჭრა, ხოლო ორი ამ დრომდე ძებნაშია გამოცხადებული.

მედიის ცნობით, თავდამსხმელები მაღაზიაში შეიარაღებულები შეიჭრნენ, თუმცა იუველირმა მათ წინააღმდეგობა გაუწია და ცეცხლი გაუხსნა.

აღსანიშნავია, რომ შემთხვევა 29 დეკემბერს მოხდა.

სააგენტო წერს, რომ ცეცხლის გახსნის შემდეგ 40 წლის იუველირი ეიუფ სედათ კოჩერი ადგილზე გარდაიცვალა, ასევე დაიღუპა საქართველოს მოქალაქე რაიბული აბრალავა. საქართველოს კიდევ ერთი მოქალაქე ლევან ბელთახოძე დაიჭრა და ის საავადმყოფოში გადაიყვანეს. მკურნალობის დასრულების შემდეგ ბელთახოძეს პატიმრობა მიესაჯა და ის დააპატიმრეს.

გამოძიების ინფორმაციით, საიუველირო მაღაზიაში თავდამსხმელების თანამზრახველებიც იმყოფებოდნენ. სწორედ მათ მოახერხეს გაქცევა.

ამასთან, პოლიციის დადგინდა, რომ საქართველოს მოქალაქეები თურქეთში არალეგალურად იმყოფებოდნენ.

ვიდეო

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა