საქართველოს შინაგან საქმეთა სამინისტროსა და ბელარუსის რესპუბლიკის შინაგან საქმეთა სამინისტროს შორის „არასრულწლოვანთა გაჯანსაღების შესახებ“ თანამშრომლობის მემორანდუმის ფარგლებში, გაცვლითი პროგრამა ამოქმედდა.

შსს-ს ცნობით, „არასრულწლოვანთა გაჯანსაღების შესახებ“ მემორანდუმისა და გაცვლითი პროგრამის მიზანია ორ ქვეყანას შორის თანამშრომლობის გაღრმავება, არასრულწლოვანთა შორის ჯანსაღი ცხოვრების წესისა და სამართალდამცველის პროფესიის პოპულარიზება.

გაცვლითი პროგრამის ფარგლებში, ქართველი ბავშვები ბელარუსში გაემგზავრნენ, ბელარუსიდან კი საქართველოს მოზარდთა ჯგუფი ორი კვირით ესტუმრა. საქართველოში სტუმრად მყოფმა არასრულწლოვნებმა სხვადასხვა სპორტულ და საგანმანათლებლო აქტივობაში მიიღეს მონაწილეობა, პროგრამის ბოლოს კი ქუთაისის, მცხეთისა და თბილისის კულტურული ღირსშესანიშნაობები დაათვალიერეს.

ბელარუსი საქართველოს მნიშვნელოვანი პარტნიორია. გასულ წელს, ორი ქვეყნის სამართალდამცავი უწყებების წარმატებული თანამშრომლობის შედეგად, ბორჯომის ხეობაში მასშტაბური ხანძრების ლიკვიდაციისას, ბელარუსმა საქართველოს ავიაციით, ტექნიკური და ადამიანური რესურსით უმნიშვნელოვანესი დახმარება გაუწია. ორი ქვეყნის შინაგან საქმეთა სამინისტროებს შორის გაფორმებულია მემორანდუმები არასრულწლოვანთა გაჯანსაღების, საპოლიციო საგანმანათლებლო და ოპერატიული თანამშრომლობის კუთხით.

(NS)

ავტორი: ,

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას