თემირლან მაჩალიკაშვილის დედა: თურქეთში, „კოჩის“ კლინიკასთან მოლაპარაკება ისევ ძალაშია

2018-01-09 13:12:50, 1803 ნახვა

კომენტარი

პანკისის ხეობაში დაჭრილი თემირლან მაჩალიკაშვილის დედის, მედიკო მარგოშვილის განცხადებით, თურქეთში ”კოჩის” კლინიკასთან მოლაპარაკება ისევ ძალაშია.

როგორც მარგოშვილმა აღნიშნა, გერმანიის „შარიტეს“ კლინიკიდან, სადაც მისი დაჭრილი შვილი უნდა გადაეყვანათ, უარყოფითი პასუხი მთავრობის ჩარევის შედეგად მოვიდა.

"რა ვქნათ, "კოჩის" კლინიკაში მაინც გადავიყვანოთ", - განაცხადა მაჩალიკაშვილის დედამ და დასძინა, რომ გერმანიის კლინიკას უარი საქართველოს მთავრობამ ათქმევინა.

მარგოშვილმა მთავრობასაც მიმართა:

„იმ ბიჭებს მეც ვიცნობდი, მაშინ ჩემთვისაც გაეხვრიტათ შუბლი. მე მთავრობისგან ვითხოვ პასუხს, თუ ასეთი დამნაშავეები არიან მთელი ორი წლის განმავლობაში თავისუფლად რატომ დაიარებიან თბილისშიც და ხეობაშიც“, - განაცხადა მაჩალიკაშვილის დედამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები