„ტერორიზმი გლობალური გამოწვევაა და საქართველოც არის ამ ერთიანი საფრთხის წინაშე“, – ამის შესახებ შინაგან საქმეთა მინისტრის მოადგილემ არჩილ თალაკვაძემ "ექსპრესნიუსს" განუცხადა.
მისივე შეფასებით, მნიშვნელოვანია, რომ საქართველო ტერორიზმის წინააღმდეგ ბრძოლაში ევროპის ქვეყნებთან თანამშრომლობს.
„ტერორიზმი გლობალური გამოწვევაა და საქართველო ამ თამაშის გარეთ არ არის. პირიქით, საქართველოც არის ამ ერთიანი საფრთხის წინაშე.  ვფიქრობ, რომ ის თანამშრომლობა, რომელიც ჩვენ გვაქვს დასავლეთ–აღმოსავლეთ  ევროპის ქვეყნებთან, აშშ–სთან, ტერორიზმის, ასევე ორგანიზებული დანაშაულის წინააღმდეგ ბრძოლაში, მნიშვნელოვანია და ვთანამშრომლობთ სრულად, რომ ეს საფრთხეები იქნას აღკვეთილი. რაც შეეხება საქართველოს მოქალაქეების შესაძლო მონაწილეობას ამ პროცესში, ამასთან დაკავშირებით მთავრობას ინიცირებული აქვს კანონპროექტი, რომელიც ამკაცრებს რეგულაციებს და ვფიქრობ, რომ თუ პარლამენტი დაეთანხმება ამ ცვლილებას, ჩვენ გვექნება უფრო ზუსტი და კარგი საკანონმდებლო რეგულირება. ამასთან დაკავშირებით სამართალდამცავ ორგანოებსაც და შსს–საც გაუადვილდებათ, მსგავსი ფაქტები თავიდანვე აღკვეთონ“,– განაცხადა თალაკვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა