შინაგან საქმეთა მინისტრობის კანდიდატი გიორგი გახარია ბოლო პერიოდში  პოლიციელების მიმართ განხორციელებულ ცილისწამებაზე და შეურაცხყოფაზე  ამახვილებს ყურადღებას.

როგორც გახარიამ პარლამენტში გაერთიანებული კომიტეტების სხდომაზე განაცხადა, „პოლიციისთვის რაიმეს  დაბრალება გახდა ინსტრუმენტი კანონის დარვევის  შემთხვევაში, რაღაც ალიბების შეთხზვის“:

„იქ, სადაც ეს იქნება ფაქტობრივად დადასტურებული სასამართლოს მიერ, ჩვენი მხრიდანაც უმკაცრესი ზომები იქნება გატარებული. არ არის აქ საუბარი იმაზე, რომ ვიღაცას არასამართლიანად და არაკანონიერად ხელი დავაფაროთ.  თუმცა, ერთი რამ მინდა გითხრათ, ბოლო სამი კვირის განმავლობაში ჩემი დროის 50% იყო დაკავებული იმით, რომ დამეცვა პოლიციელები.  ერთს თავი გაუტეხეს, მეორეზე პროცესი სასამართლოშია, ცილისწამებასთან დაკავშირებით. რაღაც ტრადიცია გახდა, ყველამ იცის, რომ პოლიციის დაბრალება უკვე გახდა ინსტრუმენტი კანონის დარვევის  შემთხვევაში რაღაც ალიბების შეთხზვის. რაღაც ბალანსი გაგვქეცა, სადღაც გატყდა სიტუაცია და ყველანი უნდა შევთანხმდეთ, რომ ყველანაირი პოლიტიკური პიოზიციის გათვალისწინების გარეშე, ამ საზოგადოების უსაფრთხოება ყველა ჩვენგანის ინტერესია“, - აღნიშნა გახარიამ.

მთავრობის განახლებული  შემადგენლობა პარლამენტში ნდობის მისაღებად იმყოფება.

ავტორი: ,

სოციალური ქსელები

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო

ვენესუელაში მიწისძვრის შედეგად დაღუპულთა რიცხვი 235-მდე გაიზარდა, 50 000 დაკარგულად ითვლება

კობახიძე: კორუფცია ხელისუფლების ზედა ეშელონებში პრინციპულად აღმოფხვრილი, დამარცხებულია