დედაქალაქის მერმა კახა კალაძემ თბილისის მერიის ზედამხედველობისა და არქიტექტურის სამსახურებს სთხოვა, მშენებლობის ნებართვის გაცემის სტადიაზე, სავალდებულო სანებართვო პირობა განისაზღვროს, რაც გარემოსა და ქალაქის ქუჩების დაბინძურებისგან დაცვას უზრუნველყოფს.

როგორც კახა კალაძემ თბილისის მთავრობის დღევანდელ სხდომაზე განაცხადა, სატვირთო ავტომანქანები სამშენებლო მოედნებზე შედიან, ხოლო გამოსვლისას, დედაქალაქის ქუჩებს აბინძურებენ.

„ამ მიმართულებით სრული კატასტროფა ხდება. ამიტომ, მინდა ვთხოვო ზედამხედველობისა და არქიტექტურის სამსახურებს, დავიწყოთ მუშაობა ამ მიმართულებით და არც ერთი ნებართვა არ უნდა გაიცეს, სადაც არ იქნება მითითებული, რომ სატვირთო მანქანების ჩამორეცხვაა შესაძლებელი, რათა გამოსვლისას, ცენტრალურ ქუჩებზე ნაგავი არ გამოიტანონ. არსებულ მშენებლობებსაც დავავალოთ, რომ ასეთი ადგილები იქნას მოწყობილი“, - განაცხადა კახა კალაძემ.

მისივე თქმით, ქალაქში არსებული ეკოლოგიური მდგომარეობის გაუმჯობესება მხოლოდ სკვერებისა და პარკების რეაბილიტაცია-გაშენებას არ მოიცავს. 

„რა თქმა უნდა, ყველა მიმართულებით არის საჭირო მუშაობა, თუმცა ამ მიმართულებით, განსაკუთრებული ყურადღება უნდა იქნეს გამახვილებული“, - აღნიშნა დედაქალაქის მერმა. 

(NS)

ავტორი: ,

სოციალური ქსელები

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე

პაპუაშვილი ელისაშვილის წინააღმდეგ: ტერორისტებიც ამბობენ, რომ უსამართლობას ებრძვიან

“მცირე ბიზნესის ჯაჭვი” - საქართველოს ბანკი ახალი ინიციატივით ბიზნესებს შორის თანამშრომლობას აძლიერებს

თიბისის ბიზნესგანათლების პროგრამაში, ივნისის თვეში, 600 მეწარმე ჩაერთო