პრემიერ–მინისტრის ირაკლი ღარიბაშვილის განცხადებით, საქართველოს ყოფილ პრეზიდენტს მიხეილ სააკაშვილს, 2008 წლის აგვისტოს ომის შემდეგ მსოფლიო ლიდერები „ხელსაც კი აღარ ართმევენ“.

ამის შესახებ ღარიბაშვილმა პარლამენტის რიგგარეშე სხდომაზე განაცხადა, სადაც საპარლამენტო უმცირესობის შეკითხვებს პასუხობს.

მან გავრცელებული ინფორმაცია, რომ აშშ–ს პრეზიდენტმა ბარაკ ობამამ სააკაშვილს იარაღის მიწოდებაზე დახმარება აღუთქვა, „ნაციონალური მოძრაობის“ ილუზიად შეაფასა.

„მიხეილ სააკაშვილს, რომელსაც აგვისტოს ომის შემდეგ  მსოფლიო ლიდერები ხელსაც კი აღარ ართმევდნენ და ამ პროცესების შემდეგ იმდენად იყო დისკრედიტებული, რომ ამერიკაში აღარ ჩაესვლებოდა, თუ ვინმეს აქვს ილუზია, რომ ობამამ მას იარაღის მიწოდებაზე დახმარება აღუთვა, ძალიან მწარედ ცდებით. ეს ილუზია თქვენთვის შეინახეთ.  ილუზიებით ჩვენ არ ვცხოვრობთ, ჩვენ ვცხოვრობთ რეალობაში, ჩვენ ხალხს რეალობა უნდა ვუთხრათ და დაასრულეთ  ეს ტყუილები. თქვენ აღარ ხართ ხელისუფლებაში და აღარასდროს აღარ იქნებით,  ტყუილად გიხარიათ რაღაცეები“, – აღნიშნა ღარიბაშვილმა.

პრემიერის თქმით, მთავრობას  მოლაპარაკებები აქვს ამერიკასთან და ასევე საფრანგეთთან.  

„აგვისტოს ომის შემდეგ პირველად ჩვენმა მთავრობამ დაიწყო მოლაპარაკებები, არ მინდა დეტალებზე ვისაუბრო, მაგრამ  გვაქვს რეალური პერსპექტივები იგივე საფრანგეთთან. ამ ქვეყანასთან მოლაპარაკებები არ გაჩერებულა, რაც საფრანგეთის ელჩმაც დაადასტურა. ეს მინდა „თავისუფალმა დემოკრატებმაც“ გაიგონ.  უფრო გონივრულ პაკეტზე ვყალიბდებით, ჩვენ ვაკეთებთ ყველაფერს თავდაცვითი შესაძლებლობების განვითარებისა და გაძლიერებისთვის.  ასევე ამერიკასთან გვაქვს მოლაპარაკება, მაგრამ მე მიზანშეწონილად არ მიმაჩნია ასეთ თემებზე ასე საქვეყნოდ ვისაუბროთ“, – განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია