175-ე საჯარო სკოლის მოსწავლეები „ავერსი-რაციონალს“ ეწვივნენ

2018-04-17 17:14:46, 1965 ნახვა

საზოგადოება

საგანმანათლებლო სისტემაში შესანიშნავი ტრადიცია დამკვიდრდა - სკოლის მოსწავლეები შემეცნებითი ექსკურსიების ეგიდით უკვე არა მხოლოდ კულტურულ მემკვიდრეობას და ღირსშესანიშნაობებს, არამედ ადგილობრივ წარმოებასაც ეცნობიან.

ინტერესი განსაკუთრებით დიდია ფარმაცევტული სფეროს მიმართ. ამიტომ მოზარდები და პედაგოგები ქვეყნის ყველაზე მსხვილ ფარმაცევტულ საწარმოს - "ავერსი-რაციონალს" სულ უფრო ხშირად სტუმრობენ. მან ამჯერად თბილისის #175 საჯარო სკოლას უმასპინძლა.

ნანა მეტრეველი სკოლის ინფორმაციული მენეჯერია. მან მეექვსე კლასის მოსწავლეებს ორიგინალური და დასამახსოვრებელი ექსკურსია მოუწყოთ. ქალბატონ ნანას "ავერსი-რაციონალში" ვიზიტის შემდეგ შთაბეჭდილებების გაზიარება ვთხოვეთ:

- სკოლის სასწავლო გეგმის თანახმად, მეშვიდე კლასიდან მოსწავლეები ახალი საგნის - "მეცნიერების საფუძვლების" შესწავლას იწყებენ. რა თქმა უნდა, მის მიმართ ინტერესი გაიზრდება, თუ საკუთარი თვალით ნახავენ, როგორ იყენებენ მეცნიერებას - ქიმიას, ბიოლოგიას, ფიზიკას პრაქტიკულ სამუშაოებში - საწარმოებში. ფარმაცევტული სფერო კი ამ მხრივ ერთ-ერთი ყველაზე საინტერესოა.

ჩვენც გადავწყვიტეთ, ქვეყნის საუკეთესო ფარმაცევტულ წარმოებას დეტალურად გავცნობოდით. ბავშვები აღფრთოვანებულები დარჩნენ. განსაკუთრებული ინტერესი ლაბორატორიამ გამოიწვია. "ავერსი-რაციონალმა" შესანიშნავი მასპინძლობა გაგვიწია. გულთბილად შეგვხვდნენ და მოზარდებისთვის სრულიად გასაგები ენით აგვიხსნეს ყველაფერი.

უფროსებიც გაგვაოცა ჰიგიენური ნორმების ზედმიწევნით დაცვამ, თანამშრომელთა პასუხისმგებლობის გრძნობამ და საქმის სიყვარულმა.

ვფიქრობ, მიღებული შთაბეჭდილებების გავლენით, ჩვენი სკოლის ბევრი მოწაფე დაინტერესდება მეცნიერებით და მომავალს სწორედ ამ არაჩვეულებრივ სფეროს დაუკავშირებს.

მადლობას ვუხდით "ავერსი-რაციონალს" საინტერესო ექსკურსიისთვის და შესანიშნავი მასპინძლობისთვის.

(R)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები