საქართველოს ეკონომიკისა და მდგრადი განვითარების მინისტრის მოადგილე ირმა ქავთარაძე ინდონეზიის საპარლამენტო დელეგაციას შეხვდა, რომელიც საქართველოში ვიზიტით იმყოფება.

ეკონომიკის სამინისტროს ინფორმაციით, შეხვედრაზე განსახილველ საკითხებს შორის იყო გაეროს მდგრადი განვითარების მიზნების შესრულება და მდგრადი განვითარების მიზნების ფარგლებში, გარემოსდაცვითი და ეკონომიკური საკითხების შეჯერებასთან დაკავშირებით გამოცდილების გაზიარება.

უწყების ცნობით, ირმა ქავთარაძემ და ინდონეზიის დელეგაციის ხელმძღვანელმა საქართველოსა და ინდონეზიის ეკონომიკური განვითარების საკითხების  ფართო სპექტრი განიხილეს.

ამასთან, უნდა აღინიშნოს, რომ ინდონეზიის დელეგაციის ხელმძღვანელის მხრიდან გამოითქვა მოსაზრება და სურვილი, საქართველოსა და ინდონეზიის სახელმწიფოებს შორის თავისუფალი ვაჭრობის რეჟიმის დამყარების თაობაზე, საქართველოს ლიბერალური სავაჭრო რეჟიმიდან გამომდინარე.

დელეგაციას  ინდონეზიის საპარლამენტთაშორისო თანამშრომლობის კომიტეტის თავმჯდომარე, ნურჰაიატი ალი ასსეგაფი ხელმძღვანელობს.  

(NS) 

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის