2015-05-01 15:55:02, 579 ნახვა
პოლიტიკა
შალვა თადუმაძე: მთავრობა ჩვეულებრივ ფუნქციონირებას აგრძელებს
მთავრობის საპარლამენტო მდივანის შალვა თადუმაძის განცხადებით, მინისტრთა კაბინეტის ყველა წევრი უფლებამოსილებას ინარჩუნებს და შესაბამისად, მთავრობა უფლებამოსილია, თავისი საქმიანობა განახორციელოს.
როგორც თადუმაძემ მთავრობის ადმინისტრაციაში ჟურნალისტებთან საუბრისას აღნიშნა, პრეზიდენტი მთავრობის ახალ შემადგენლობას პარლამენტში 7 დღეში გადააგზავნის, საკანონმდებლო ორგანო კი, ნდობის საკითხზე იმსჯელებს.
„წარდგენილია მთავრობის ახალი შემადგენლობა. პრეზიდენტის კონსტიტუციური უფლებამოსილება გახლავთ, 7 დღეში გადააგზავნოს პარლამენტში. მთავრობა ჩვეულებრივ ფუნქციონირებას აგრძელებს, ყველა მინისტრს გააჩნია უფლებამოსილება“, – აღნიშნა თადუმაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
