საქართველოს  ეროვნული არქივის საგამოფენო პავილიონს ყაზახეთის დელეგაცია ესტუმრა  და მიმდინარე გამოფენა - „კოტე მიქაბერიძე" - დაათვალიერა.

ეროვნული არქივის პრესსამსახურის ინფორმაციით, სტუმრებს ექსპოზიციაზე მეგზურობა  გამოფენის კურატორმა ნინო ძანძავამ გაუწია, რომელმაც ცნობილ ქართველ რეჟისორზე, მსახიობსა და მხატვარზე საინტერესო ინფორმაცია მიაწოდა.

სტუმრებმა ასევე  საგამოფენო პავილიონში არსებული მედიათეკა და არქივის ბრენდირებული პროდუქციის მაღაზია დაათვალიერებინეს.

 დელეგაციის წევრები  ეროვნული არქივის მუშაობის კონცეფციას და საქმიანობას გაეცნენ, რომელსაც ეს უწყება  სერვისების ხელმისაწვდომობის კუთხით ახორციელებს.

ყაზახეთის დელეგაცია ოთხდღიანი ოფიციალური ვიზიტით საქართველოში იმყოფება და იუსტიციის სისტემაში მიმდინარე რეფორმებსა და ინოვაციურ სერვისებს ეცნობა.

ვიზიტის ფარგლებში  სტუმრები იუსტიციის სამინისტროს მმართველობის სფეროში მოქმედი სსიპ-ების მუშაობის სპეციფიკასა და სერვისებს ეცნობიან.

დელეგაციის შემადგენლობაში ყაზახეთის მთავრობის, ეკონომიკის სამინისტროსა და არასამთავრობო სექტორის წარმომადგენლები არიან.

(NS)  

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა