დევნილთა და განსახლების მინისტრი სოზარ სუბარი თბილისში, დევნილებისთვის გამართულ პროფესიული განათლების ფორუმს დაესწრო.

ლტოლვილთა და განსახლების სამინისტროს ინფორმაციით, განათლების ფორუმის მონაწილე პროფესიული კოლეჯების წარმომადგენლებმა დევნილებს პროფესიულ განათლებასთან დაკავშირებით კონსულტაცია გაუწიეს და მათთვის საინტერესო შეკითხვებს უპასუხეს.

უწყების ცნობით, განათლებისა და მეცნიერების სამინისტროს რესურსცენტრის წარმომადგენელმა კი, პროფესიულ სასწავლებლებში ჩაბარების მსურველი დევნილები ადგილზევე დაარეგისტრირა.

დევნილთა საარსებო წყაროებით უზრუნველყოფის სააგენტო დევნილთა პროფესიული განათლების ხელშეწყობის მიზნით სპეციალურ პროგრამებს ახორციელებს.

ერთ-ერთი პროგრამის ფარგლებში, სააგენტო პროფესიული სასწავლებლების კურსდამთავრებულ დევნილებს თვითდასაქმებისთვის საჭირო ხელსაწყოებს შეუსყიდის. ფორუმის დამსწრე დევნილებმა თვითდასაქმების საგრანტო პროგრამაში ჩართვის სურვილი გამოთქვეს და განაცხადები ადგილზევე შეავსეს.

ფორუმი იძულებით გადაადგილებულ პირთათვის - დევნილთათვის საარსებო წყაროებზე ხელმისაწვდომობის უზრუნველყოფის სტრატეგიის განხორციელების 2016-2017 წლების სამოქმედო გეგმის შესაბამისად დაგეგმილი საინფორმაციო კამპანიის ფარგლებში გაიმართა.

(NS)

ავტორი: ,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის